محەممەد مەحموود- سۆران :
لەسەر بودجەی بەڕێوەبەرایەتی گشتی تەندروستی سۆران بۆ زیاتر خزمەتکردنی هاووڵاتییان و کارئاسانییان بۆ دەستگەیشتن بە خزمەتگوزارییە تەندروستییەکان ئامێری پێشکەوتووی نازووری نەشتەرگەری بۆ نەخۆشخانەی گشتی بڵــێ دابینکرا.
د. کامەران مەلا محەممەد، بەڕێوەبەری گشتی تەندروستی سۆران بە زاری کرمانجی راگەیاند” لە پێناو گرنگیدانی زیاتر بە کەرتی تەندروستی لە سنووری قەزای مێرگەسۆر، لەسەر ڕاسپاردەی مەلامستەفا بارزانی، ئامێری پێشکەوتووی نازووری نەشتەرگەری بۆ نەخۆشخانەی گشتی بلێ دابینکرا، بوونی ئەو ئامێرە دەبێتە هۆی باشتر کردنی ئاستی زانستی و تەندروستی لە نەشتەرگەرییە جۆراوجۆرەکان لە قەزای مێرگەسۆر .
