حەسیب ئەدیب زاخۆیی – ئەڵمانیا :
دەسەڵاتدارانی سویسرا ڕایگەیاند كە تەرمی شاجوانی پێشووی سویسرا بە پارچە پارچە كراوی لە نێو ماڵەكەیدا دۆزرایەوە .
میدیا ناوخۆیییەكانی سویسرا بڵاویان كردەوە “كریستینا یۆكسیمۆڤیچی تەمەن 38 ساڵ، مۆدێل و شاجوانی پێشووی سویسرا بە دەستی پیاوەكەی خۆی كوژراوە و جەستەی پارچە پارچە كراوە.”
دادگای سویسرا لەسەر شێوازی كوشتنی كریستینا ڕاگەیاندراوێكی بڵاو كردەوە و دەڵێت “لە ڕاپۆرتی پشكنینی جەستەیدا هاتووە، سەرەتا كریستینا خنكێنراوە و دواتریش بە چەقۆ و قیچی باخداری جەستەی پارچە پارچە كراوە.”
پۆلیس تۆماس ی تەمەن 41 ساڵەی هاوسەری كریستینایان دەستگیركردووە و ددانی بە كوشتنی هاوژینەكەی ناوە.
