رێبوار حەمەلاو شوانی
پارتی دیموكراتی كوردستان بەتەنها حزب ولایەنێك نییە وەك هەندێك لایەنی تر كە جگە لە خۆپەرستی و زیانگەیاندن بە بەرژوەندییە باڵاكانی كوردوكوردستان بە درێژایی مێژوو بچووكترین دەستكەوت و شانازییان تۆمار نەكردووە بەڵكو هەمیشە وەك كۆسپ وئاستەنگێن بوونە لە بەردەم كاروانی خەباتی رەوای گەلەكەمان ، بە پێچەوانە پارتی بە رابەرایەتیی بارزانی ، هەرگیز لە گۆشەی سنوورێكی داخراو و دیاریكراودا لە پێناو حزبەكەی و كەسێك هەوڵی نەداوە بەڵكو هەمیشە لە پەرۆشی بزاڤی كوردایەتی و مافەرەواكانی نەتەوەكەی بووە و ئەوەش تەنها لە چوار چێوەی دروشم نەبووە بەڵكو بەدرێژایی مێژوو ئەو شانازییە گەورەیەی پێبراوە و بەرگری لە دۆزی رەوای گەلەكەی كردووە و هەمیشە ئامادەی بەخشینی باجی گەورەش بووە.
لە سەر ئاستی هەرێمی كوردستانیش ئەزموونی 32 ساڵەی هەرێمی كوردستان كە پارتی ئاڵاهەڵگر و بونیاتنری بووە هەر لە داواكاری بۆ گۆڕینی شەرعییەتی شۆڕشگێری بۆ شەرعییەتی یاسایی وبەدامەزراوەیكردنی دامودەزگاكانی هەرێمی كوردستان داوای هەڵبژاردنی كردووە و دواتر هەوێنی بوون بەخاوەن پەرلەمان وفیدڕاڵی وحكوومەت وسەرۆكایەتی هەرێم وهتد.. لەگەڵ ئەوەشدا لە هەموو كابینەكانی حكوومەتەكانی پێشووتر بە ئێستاشەوە لەگەڵ ئەوەی یەكێتی ولایەنەكانی تر خاوەن چەند كورسییەك بوونە بەڵام پارتی بە پەرۆشی بۆ ئەزموونی هەرێمی كوردستان هەرگیز تاكڕەوانە و خۆپەرستانە بریاری پێكهێنانی حكوومەتی نەداوە چونكە پارتی پارێزگاریكردن لە خاك و قەوارەی هەرێم و بەرژوەندییە باڵاكانی خەڵكی كوردستان پێ لە هەموو بابەتێكی تر گرنگتر بووە.
لەگەڵ ئەوەشدا لە ماف و ئیمتیازات و پۆست خۆی پێداون ، رێككەوتننی ستراتیژی و لەگەڵ یەكێـتی ولایەنەكانی تر كراوە و بەڵام بە پێچەوانەوە ئەوەی لە كاردانەوەی یەكێتی و هەندێك لایەنی تر بینراوە ، جگە لە بێ وەفایی ودەست تێكەڵكردن بۆ زیانگەیاندن بە بەرژوەندییە كانی خەڵكی كوردستان وبەرزاندنی هێڵە سوورەكان هیچی تر نەبینراوە ، كە دیارترینیان بەدەستەوەدانی نیوەی خاكی كوردستان لە 16ی ئۆكتۆبەری 2017 و هاندانی خەڵك و لایەنگرانیان دژ بە دامەزراوەكانی حكومەتی كوردستان لەكاتێكدا كە سیاسیەتێكی دوورووی و خیانەتیان بەكاردەهێنا، لەگەڵ ئەوەشدا پارتی هەر بەدڵفراوانی و پشوودرێژی مامەڵەی كرد ووە.
بەتایبەتی ئەگەر لەماوەی 5 ساڵی حكوومرانی كابینەی نۆیەم بە سەۆكایەتی رێزدار مەسروور بازانی بكەین، كە لە نێو كارنامە و پلانە ستراتیژیەكانی چەندین پرۆژی گرنگ و بێ وێنەی ئەنجامدا ، كوردستانی لە چەقبەستوویی بەرەو گەشەپێكردن بردووە ، لە هەموو سێكتەرەكاندا رۆڵی گرنگ ولە چارەسەركردنی دەیان كێشەی كەلەكەبوون بینیووە و دەستی مافیاوگەندەڵكارانی بڕی و كورتكردوە و رێگە چارەی گونجاوی بۆ راستكردنەوەی هەڵە وكەموكوردتییەكان خستەڕوو و بەوپەری ڕاستگۆیی وئازایانە گرێكوێرەكانی كردەوە ، بەڵام لە بەرامبەر ئەو هەنگاوە چاكسازی وپاكسازی وئاوەدانییە دا ، یەكێتیەی بافڵ تاڵەبانی و كڵكەكانی ترسیان لەو رژدبوونەی سەرۆكوەزیرانی كوردستان لێ نیشت ، بۆیە بەهەموو توانا و چەكی نەیارانی كوردستان كەوتنە پیلانگێری ودژایەتیكردن وپەڵاماردانی .
سەرەڕای هەموو ئەو ئاستەنگ و قەیرانە دەستكردنانەی نەیارانی نێوخۆیی ودەرەكی ، بەڵام بینیمان هەر رۆژە وسیناریۆ و شانۆگەرییەكیان بۆ لاوازكردن ولێكترازانی هەرێمی كوردستان پیادەدەكرد ، رۆژێك پرۆژەی پەكەكە بۆ لامەركەزی و رۆژێك تر گەڕانەوە بۆ باوەشی بەغدا و رۆژێكی تر رادەستكردنی نەوت وداهات ، لە كاتێكدا هەموو ئەمانە بۆ ئەو راستییە بوو تا شكست و تاڵانكاری ومافیاگەرییەكانیان لە دەڤەری سلێمانی و گەرمیان و هەڵەبجە و راپەرین بشارنەوە و لەولاشەوە خەڵكی ئەو دەڤەرانە دژی گەل و نیشتیمانەكەیان هان بدەن .
بەڵام خۆڕاگری و ستراتیژی نەگۆڕی مەسروور بارزانی ، سەرۆكوەزیرانی كوردستان لە سەر بنەمای دەوڵەتداری و حكوومرانی دروست ڕێگەی نەدا خەونی جاش و بەكرێگیراوەكان و حەشدی شیعی و ڕەیان كڵدانییەكان و دادگەی بەناوی فیدڕاڵی و ئینجا بەكارهێنانی چەكی مووچە وبودجە دژی بەخەڵكی كوردستان كە هەموویان بۆ ئەو راستییە بوو تا ببنە كۆسپ لەبەردەم هەنگاوەكانی چاكسازی و گەشەسەندن وكارەكانی كابینەی نۆیەمی حكوومەتی كوردستان .
بەدڵنییایەوە ، ئەگەر پەرۆشی وخۆراگری پارتی و سەرۆكی حكوومتی كوردستان بۆ پارێزگاریكردن لە خاك ونیشتیمان و دەستكەوتەكانی نەبووایە ، دەبوو ئەو بەكرێگیراو و لایەنە بەناو كوردانە بەڵام لە خزمەت نەیارانی كوردستان چیان بە سەر ئەو نیشتیمانە بهێنێایە ؟ بەڵام هەر پشوودرێژی و گەورەیی پارتییە كە هەرگیز ڕێگەی نەداوە خەونی نەیاران وجاشەكانیان دژی بە كوردستان و بەرژوەندییە باڵاكانی بێتەدی .
