مستەفا دۆلەمەری- مێرگەسۆر:
مامۆستا ئەحمەد محەمەد، بەرێوەبەری پەروەردەی مێرگەسۆر، بە زاری كرمانجی راگەیاند:” پەروەردەی مێرگەسۆر ١٢١٤ وانەبێژی هەیە و میلاكی سەرجەم قوتابخانەكان دانراون ئەو وانەبێژانەی كە هەمانن ناویان لە سیستەم تۆمار كراوە و هیچ گرفتێكی میلاكمان نییە و لە ئێستادا پرۆسەی خوێندن بە شێوەیەكی رێكوپێك بەرێوە دەچێت.
بەرێوەبەری پەروەردەی مێرگەسۆر، گوتیشی:” دانانی مامۆستایانی وانەبێژ ئەمساڵ زۆر جیاوازتر بوو لەگەڵ ساڵەكانی دیكە، واتە ئەمساڵ بەشێوەیەكی رێكوپێك بوو و بەپێی چەند پێوەرێك مامۆستایانی وانەبێژمان وەرگرتووە، ئەمساڵ ٤٣ وانەبێژمان داناوە بۆ قۆناخی بنەرەتی و ٩٨ وانەبێژیش بۆ قۆناخی ئامادەیی”.