ئهمڕۆ سێشهممه 2024/9/3 بهڕێز نێچیرڤان بارزانی، سهرۆكی ههرێمی كوردستان، له دیدارێكدا لهگهڵ بهڕێز ئانل بۆرا ئینان باڵیۆزی نوێی توركیا له عێراق، وێڕای بهخێرهێنان، هیوای سهركهوتنی له ئهركی نوێیدا بۆ خواست و ههموو پشتگیرییهكی ههرێمی كوردستانی بۆ سهرخستنی ئهركهكهی دهربڕی.
لای خۆیهوه بهڕێز ئینان خۆشحاڵیی خۆی به دهستبهكاربوونی وهك باڵیۆزی وڵاتهكهی له عێراق نیشان دا و خواست و ئامادهییی توركیای بۆ برهودان بە پهیوهندییهكانی لهگهڵ عێراق و ههرێمی كوردستان له ههموو بوارهكاندا، دووپات كردهوه.
دۆخی ناوخۆی عێراق و ههرێمی كوردستان و دوایین پێشهاتهكانی ناوچهكه بهگشتی، تهوهرێكی دیكهی دیدارهكه بوو.
