مەهدی محەممەد – زاری كرمانجی :
دەزگای گواستنەوەی ئاسمانی فیدراڵی ڕووسیا لە ڕاگەیاندراوێكدا ونبوونی هەلیكۆپتەرێكی ڕووسی بە 22 سەرنشینەوە لە ئاسمانی نیمچە دوورگەی كامچاتكا لە ڕۆژهەڵاتی وڵاتەكەی ڕاگەیاند.
میدیاكانی ڕووسیا ئەمڕۆ شەممە 31ی ئاب بڵاویان كردەوە “هەلیكۆپتەرێكی ڕووسی لە جۆری می 8، كە تیمێكی سێ كەسی و 19 گەشتیاری هەڵگرتبوو، لە بنكەیەكی نزیك گڕكانی ڤاچكاگێتس، لە نیمچە دوورگەی كامچاتكا هەڵفڕیوە و دواتر ڕۆژهەڵاتی ناوچەكە پەیوەندی لەگەڵ بنكەكەی پچڕاوە و ون بووە و لە ئێستادا ئۆپەراسیۆنەكانی گەڕان بەدوای فڕۆكەكە دەستی پێكردووە.
