وتەبێژی بەڕێوەبەرایەتی گشتی حەج و عومرەی هەرێمی كوردستان : ژمارەیەكی كەم لە هاووڵاتییان گەشتی عومرە ئەنجام دەدەن، بۆیە كاریگەری كردۆتە سەر نرخەكەی و دابەزیوە
زاری كرمانجی :
ئەمساڵ نرخی گەشتی عومرە بەراورد بە ساڵی رابردوو زیاتر لە 300 دۆلار دابەزیووە.
لەمبارەیەوە كاروان ستوونی، وتەبێژی بەڕێوەبەرایەتی گشتی حەج و عومرەی هەرێمی كوردستان هۆكارەكانی دابەزینی نرخی گەشتی عومرە ئاشكرا دەكات و دەڵێ :” بەهۆی ئەوەی لەئێستادا ژمارەیەكی كەم لە هاووڵاتییان گەشتی عومرە ئەنجام دەدەن، كاریگەری كردۆتە سەر نرخەكەی و دابەزیوە و هۆكارێكی دیكەش بۆ دابەزینی نرخی عومرە ئەوەیە، لە ئێستادا ژمارەیەكی زۆر لە كۆمپانیای حەج و عومرە هەیە و ئاسانكاری كراوە بۆ دامەزراندنی كۆمپانیای حەج و عومرە.”
ئەوەش دەڵێ :” لەكاتی پشووەكان و مانگی ڕەمەزاندا خواستێكی زۆر لەسەر گەشتی عومرە هەیە و بەهۆیەوە نرخەكەی بەرزدەبێتەوە.”
هەروەكو كاروان ستوونی ئاماژەی بۆ دەكات پێشتر نرخی گەشتی عومرە 800 بۆ 900 دۆلار بووە، بەڵام لە ئێستادا نرخەكەی بۆ 660 دۆلار دابەزیوە.
