رێبوار حەمەلاو شوانی
بەدرێژایی مێژوو دوژمنان و نەیارانی کوردستان خەونیان بەوە بینیووە تا کوردوکوردستان خاوەنی هیچ سەروەری و شکۆمەندییەک نەبێ و هەمیشە ئەو لایەنەی کە لە رووی هەستی نیشتیمانپەوەری و خاک لاواز بووبێت بەکارهێنراوە لە دژی هێزولایەنە کوردپەوەر و نیشتیمانپەوەرەکانی تر .
28 ساڵ هەرێمی کوردستان تا لە قۆناغی ئەزموونی حکوومرانی بوو ، لەگەڵ ئەوەی پارتی دیموکراتی کوردستان سازشی لەسەر ماف و کورسییەکانی بۆ یەکێتیی کرد تا هەرێمی کوردستان پایەکانی بەهێزتر بێت ، بەڵام ئەوەی جێگەی سەرسورمان بوو کە بە پاڵپشتی هێزی داگیرکەران و شەڕێکی قورسیان دژ بە پارتی و هەرێمی کوردستان دەستپێکرد کە لە ئەنجامدا داگیرکردنی هەولێری لێکەوتەوە ، پارتی بە هەست کردن بە بەرپرسیاریەتی مێژووی توانی لە ڕێگەی بەکارهێنانی داگیرکەر دژی داگیرکەر ڕێگەی نەدا خەونی چەپەڵی ئەو نەیار و ناحەزانەی کە تا ئێستاش خەونی لاوازکردن و نەهێشتنی قەوارەی هەرێمی کوردستان دەبینن بێتەدی ، لەگەڵ ئەوەشدا ، هەر چەندە ئەو بیرە داگیرکارییە لە مێژە لە نێو مێشکی داگیرکەرانەی وڵاتانی هەرێمیدایە و رووداوەکانی پاش 16ی ئۆکتۆبەر و گۆڕینی ئاڕاستەی ڕێکخراوی تیرۆریستی داعش و شەنگال و ئینجا 16ی ئۆکتۆبەر و مووشەکبارانکردن و درۆنبارانکردنی هەولێری پایتەختی کوردستان باشترین بەڵگەن ، بەڵام بە شێوەیەکی گشتی رووداوەکانی 31ی ئاب و پارێزگاریکردنی پارتی لە سەنگ و پێگەی کوردوقەوارەی هەرێمی کوردستان بەڵگەیەکی حاشاهەڵنەگرە
بۆیە، دەبینن 31ی ئاب توانی نەک هەر پیلانی داگیرکردنی هەولێر پووچەڵ بکاتەوە ، بەڵکو شکۆ وئاوەدانی بۆ گەڕاندنەوە و لەهەمانکاتیشدا قەوارەی هەرێمی کوردستانی لە هەڕەشەیەکی مەزنتر پاراست و لەگەڵ ئەوەشدا لەماوەیەکی زۆر کورت و خێرا دا بووە هۆی پێشخستنی هەرێمی کوردستان لە رووی ئابووری و دیپلۆماسی وئاوەدانی دانانی زیاتر بە قەوارەی هەرێمی کوردستان لە سەر ئاستی ناوچەیی و نێودەوڵەتی و کۆتایی هێنان بە ئازار و نەهامەتی و پیلانگێری نەیارانی نێوۆخۆی ودەرەکیش کە تا ئێستاش لەگەڵ ئاغاکانیان خەون بە تێکدانی سەقامگیری وئاڕامی هەولێر وهەموو کوردستان دەبینن .
ئەگەر رووداوە مێژووییەکەی 31ی ئاب نەبووایە ، ئەمڕۆ هەرێمی کوردستان لە بڕی ئاوەدانی و پێشکەوتن و گەشەسەندن ئەوا دەیان گروپی پاسدار و حزبولا و میلیشایی حەشد دەستیان بە سەر شکۆ وخاکی کوردوکوردستان دا دەگرت ، بۆیە لەم چەند خاڵەدا ئاماژە بە گرنگی پلانی 31ی ئاب دەدەین کە بریتین :
یەکەم ،، یەکێتی بەهۆی دەستپشخەری بۆ هەڵگیرسانی شەڕی نێوخۆی و لێکدانەوەی نالۆژیکی بۆ دۆخی سیاسی ئەو کاتە و خواستی هەمیشەیی بۆ تاکڕەوی خەونی بە وەردرنانی پارتی دیموکراتی کوردستان لە گۆڕەپانی سیاسی کوردستان دەبینی ، بۆیە تووشی هەڵەیەکی مێژوویی بۆوە ، هەروەک چۆن یەکێتیی ، لە 16ی ئۆکتۆبەر لە کەرکووک کردیان ، ئاکامەکەی خەڵکی کوردستان زیانی گەورەیان بەرکەوت و نیوەی خاکی کوردستان کەوتە ژێر دەستی نەیاران ومیلیشیاکان .
دووەم ،، پارتی ، بەو هەنگاوە ستراتیژی و مێژووییەی گەورەترین ترین دەسکەوتی مێژوویی لە کوردستان بەدەستهێنان و کوردستانی لە ژێر دەستی بەرەو قۆناغی متمانە بەخۆبوون و سەروەری هەنگاوینا ،
سێیەم ،، پارتی بە پلان وهەنگاوی 31ی ئاب شکستی بە پیلانگێری و خەونی ئێران و یەکێتی و پەکەکە هێنان کە ئەو کاتەش بەهەموو توانایەکەوە پەلاماری پارتی و حکوومەتی کوردستانیان دەدا ، بەڵام بە رێگەی بەکارهێنانی دوژمنێک لە دژی دوژمێنکی تر ، بووە هۆی ئازادبوون و گەڕانەوەی سەروەری هەولێر و هەرێمی کوردستان
چوارەم ،، پارتی بە کارتی 31ی ئاب ، توانی ئێران وگشت بەکرێگیراوەکانی لە هەولێری پایتەخت کە خەونیان ئەوە بوو کە هەولێریش بکەنە سەربازگەیەکی گەورە بۆ میلیشیا و گروپە تیرۆریستەکان و چەندین ساڵ بوو کاریان لەسەر کردبوو لە خستە ژێر گڵەوە .
پێنجەم ،، پارتی هەولێری کردە پایتەخت و ناوەندێکی ئارام و متمانە پێکراو لە سەر ئاستی هەر چوار پارچەی کوردستان و لە سەر ئاستی ناوچەیی و نێودەوڵەتیش بووە شوێنگی دیار و گرنگ .
لێرەدا ئەوەی گرنگە ئەو راستییەیە کە ، ئامانجی پارتی هەرگیز شەڕی کوردکوژیی نەبووە ، بەڵکو 31ی ئاب پەیامێکی روون و ئاشکرا بوو کە هیچ بستێکی خاکی کوردستان لە ژێر پۆستاڵی دوژمنان و بەکرێیگراوانیان نامێنێتەوە ، هەر ئەوەشە کە هەمیشە وڵاتانی هەرێمی و داگیرکەر پارتی دیموکراتی کوردستان بەگەورەترین دوژمن وبەربەست لە بەردەم جێبەجێکردنی خەون و مەرامەکیان دەبینن ، لە دوای ئازادکردنی هەولێر لە 28 ساڵی رابردوو ، ئەو شارە بۆتە وێستگەیەکی گرنگی سیاسی و دیپلۆماسی و ئابووری ونێودەوڵەتی و هەولێری پایتەختیش پایتەختێکی گرنگە لە رووی گەشتیاری و ئاڕامی و رۆژ بەرۆژیش لەگەشەسەندن دایە .
