رێبوار حەمەلاو شوانی
بە درێژای مێژووی هەرێمی كوردستان و پارچەكانی دیكەی كوردستان، هیچ حزبێك دەلال و خاكفرۆشی وەك یەكێتی تێدا هەڵنەكەوتوون و نەبووە و نابێت، دوێنی خیانەتی 16 ئۆكتۆبەر هەرە نزیكترین و دیارترین ئەو خاكفرۆشیە بوو كە گرووپێكی نێو یەكێتی ئەنجامی دا، و بە درێژای مێژووی دروستبوونی پارتی هەمیشە بەرژەوەندییە حزبییەكانی پارتی هاوتای بەرژەوەندییە نیشتمانی و نەتەوەییەكانی كورد و كوردستان بووە، لە هەر كوێیەك مەترسییەك بۆ سەر كوردستان هەبووبێت راستەوخۆ مەترسی بووە بۆ سەر پارتی و لە كوێشدا پارتی گرفتی بۆ دروستكرابێت و كەوتبێتە دۆخێكی لاواز، راستەوخۆ كوردستان بە دۆخێكی لاوازدا گوزەری كردووە، لە بەرامبەریشدا بەهێز بوونی كوردستان و ئامادەی لە نێو هاوكێشە سیاسییە ناوچەیی و جیهانیەكان دیسان پارتی سەرمەشق و رۆڵی هەرە گەورەی بینیووە وكورد وكوردستان و مافەرەواكانی پاراستووە .
هیچ حیزب و لایەنێك ئەگەر ئامانجی خزمەتكردن بە دوژمنان و داگیركەران نەبێت ناتوانێت هیچ بەهانەیەك بۆ خۆفرۆشی و خاكفرۆشی بێنێتەوە نییە، ،. ئێوە سەڵماندتان كە خزمەتكاری بێگانەن و دروشمەكانیشیات تەنها لە پێناو فریودانی لایەنگرانتان و خەڵكی كوردستان بوو لە راستیدا ئێوە خۆتان كوشت وقێزەوەن كرد ، ئێوە رابردوویی پر خیانەت وناپاكیتان زیندووكردەوە ، چونكە خاكفرۆشی و خۆفروشی جگە لە ریسوایی و قیزەوەنبوون هیچ شانازی و سەركەوتنێكی تێیدا نییە تا لە دژی بەرامبەرەكەت بەكاری بێنیت .
ئێوە پێچەوانەی هەموو ئەو مێژوو و دروشمە گەورە و بریقەدارانە وەستانەوە كە گوایە لە دژی داگیركەران و بۆ ئازادی و سەربەخۆیی بووە ” بەڵام ئێوە سەلماندتان خزمەتكاری و سیخور و بەكارهێنەری فارس و تورك و عەرەبن هەمان ئەو كارانەی كە هاوخوێنەكانتان لە سەدەكانی رابردوو دژ بە كورد وكوردستان ئەنجامیاندا بە هەمان شێوە لە مێژووی هاوچەرخشیدا خەونی دوژمنان وناحەزانتان لە دژی نەتەوە و نیشتیمان كە هەمان ناپاكیی و خۆفروشییە جارێكی تر بە زیندوویی هێشتەوە .
بۆیە خیانەتكاری وخاكفرۆشی و خۆفرۆشی ئێوە كارەساتێكی دڵتەزێن و قێزەوەنە ، بۆیە جێگەی خۆیەتی ئازادیخوازن و ریفراندۆمخوازان هەمیشە ئەو خیانەت و ناپاكییە گەورەیە وەك كابووسێكی ترسناك بێنە بەرچاوتان تا وای لێبیێت كە بوێری ئەوەتان نەبێت كە هەتا لە ئاوێنەش سەیری رووخساری ناشرینی خۆتان بكەن ،، ڕیفراندۆم تا ئەو كاتەی شەرمەزاریی هەمیشەیی نەكاتە خۆراكیی ئەبەدیی ئێوە، بەردەوام دەبێت.
خاكفرۆشان و خۆفرۆشان بۆ ئەوە دروستبوونە كە گەل و نیشتمانەكەیان فریو بدەن ، درۆ و فێلی لێبكەن ،هەمیشە بە چەوساویی و ژێر دەستی و كۆیڵەی بهێڵنەوە ، هەمیشە بە قسە و دروشمی بریقەدار رووبەرووی تیرۆری فیكری و ژێردەستیان بكەنەوە ، ئێوەش كۆمەڵێك كەسانی فێلێباز و خۆپەرست و بەرژوەندیخوازن كەلە پاڵ و حیزبێك و مێژووییەكی پر لە خیانەت و بە دەمامكی كوردایەتی وخەبات چەندین سألە كارەتان چەواشەكارییە لە پێناو بەدیهێنانی مەرامی ناحەزانی كورد وكوردستان .
ئێوە جارێكی تر گەلی كوردتان هوشیار كردەوە كە لە دەرەوە دەرەوەی ئازادیی، جگە لە كۆیلەیی و خاكفرۆشی و هیچی ترتا پێ نییە . فێرتانكردین بۆ ئەوەی كورد و مرۆڤ و خاوەن كەرامەت بین، دەبێت ئێوە بناسین. ناسینی ئێوە پێشمەرجی كوردبوون ومرۆڤبوون و ئازادییخوازییە. ئێوە تەنیا شایانی ئەوەن ببنە وانەیەكی شەرمەزارانە لە سیستەمی خوێندن هەر لە سەرەتاییەوە تا زانكۆ تا هەموو قوتابیان رامانی ناپاكی ئێوە لە گشت بوارەكانی ناپاكی دوروونناسی ، ناپاكی كۆمەڵناسی و ناپاكی نیشانەناسی و ناپاكی ئەدەبیانی ببێتە وانایەكی باش و تا ئەو خیانەتكار و خاكفرۆش و خۆفرۆشەگە گەورە و قێزەوەنانە بۆ نەوەكانی داهاتووش باس و لە بیر نەكرێن .
بۆیە، لە كۆتاییدا دەڵێم كە هیچ پاساوێك نییە بۆ خیانەتكردن و خاكفرۆشیی وئینجا لە بیرخۆ بردنەوەتان و ئەوەش پاساوێك بێت بۆ سپییكردنەوەی ناپاكییەكەتان، بەڵام مێژوو ئەوە نییە كە ئێوە بە دووبارەكردنەوەی وەك ڕاستیی مێژوویی، دەیخەنە ڕوو، چونكە نەوەی داهاتوو، كە ڕۆڵەی ئەو شەهیدانەن ئێوە بەسەر لاشەكانیاندا تێپەڕین و نەوەی ئەو پێشمەرگانەن كە ئێوە لەناو سەنگەردا نائومێدتان كردن، بە ئاسانی لەو مێژووە دروستكراوەی ئێوە خۆش نابن و هەر ئەمڕۆ سبەیە كە تۆڵە خیانەتكاری و خاكفرۆشی و خۆفرۆشتیان لێدەكرێتەوە و چارەنووسسازن هەر زبڵدانی مێژووی بۆگەن و پڕشەرمەزاریتانە ..
