رێبوار حەمەلاو شوانی
بەو پێیەی سەرکردایەتی سیاسی کورد بە رابەرایەتی بارزانی وپارتی لە رابردوو و ئێستا پێشەنگ بووە لە خەبات و بەرپرسیاریەتی بەرامبەر نەتەوە ونیشتیمان و خاوەن چەندین دەستکەوتی مێژووی و گرانبەهایە لە رابردوو و ئێستاشدا کە دیارترینیان ڕێککەوتننامەی 11ی ئاداری 1970 و دواتر ڕاپەرین وهەڵبژاردن و پەرلەمان وحکوومەت و سەرۆکایەتی هەرێم وفیدڕاڵی و ئینجا چەسپاندنی قەوارەی هەرێم لە نێودەستووری هەمیشەیی عێراق لە ساڵی 2005 و دواتر سەرکەوتنی رێفراندۆمی سەربەخۆیی بەرێژەی 93% ( بەڵێ) ، هەمیشە لە پێناو سەنگ و پێگەی گەل و حکوومرانییەکەی لەماوەی 32 ساڵ حکومرانی بەتایبەتی هەر یەکەم خوڵی هەڵبژاردنی پەرلەمانی تا بە ئێستا باجی قورسی بە مافی دەنگدەرەکان و کورسییەکانی داوە بۆ حزب ولایەنەکانی تر بەتایبەتی یەکێتیی ، بەڵام هەرگیز ئەو کەس ولایەنانە ئەو فیداکاری و نیشتیمانپەوەری و کوردپەوەرییەی پارتییان لە بەرچاو نەبووە و لەپشتەوە خەنجەر وخیانەتیان لە پارتی وکوردستان کردووە و هەمیشە هەوڵی بێ ئومێدکردنی خەڵکی کوردستان و تێکدانی سەقامگیری و ئاشتی و پێکەوەژیانیان داوە ، پشتیان بە دوژمنان و ناحەزانی کوردستان بەستیووە .
پارتی دیموکراتی کوردستان لە سۆنگەی بەرپرسیاریەتی مێژوو و باوەری تەواوی بە بنەماکانی دیموکراسی کە هەڵبژاردنن بە پایەکی گرنگی دیموکراسی بە ڕێگەی دەنگ و ئیرادەی خەڵکەوە دێنە بەرهەم لە ماوەی زیاتر لە سێ دەیە حکوومرانی کە سەرۆک مسعود بارزانی ، پێشەنگ و ئاڵاهەڵگر و دەستپێشخەر بوو بۆ یەکەمین هەڵبژاردنی پەرلەمانی و لە پێناو بە دامەزراوەیکردنی گشت دامودەزگەکانی باشووری کوردستان ، داوای لە گشت هێزولایەنە سیاسییەکان و خەڵکی کوردستان کرد لە شەرعییەتی شۆڕشگێرییەوە بەرەو شەڕعییەتی یاسایی ودەستووری و دیموکراسی هەنگاو بنرێت ، چونکە پارتی دیموکراتی کوردستان هەردەم باوەری تەواوی بە هەڵبژاردن هەبووە و لە پێناو بەهێزکردنی بنەماکانی حکوومرانی کوردستان سازشی لە سەر ماف و دەنگی رەوای ئەندام و لایەنگران و کادیرانی کرد ، خەمی پارتی و بارزانی پەرۆشییە بۆ داهاتووی گەل و نیشتیمانێکی ستەملێکراوە پارتی ئامرازە لە پێناو گەیاندنی کوردوکوردستان بەمافەرەواکانی ،پارتی هەڵقوڵاویی جەماوەری کوردستان و دڵسۆزانی ئەم نیشتیمانیە ، گیانفیدا بووە لە قۆناغە سەختەکاندا و هەرگیز لە بەرپرسیاریەتی و پارێزگاریکردن لە خاک و نەتەوەکەی و لە پێناو بەرژوەندی کەسی و حزبی خاکی نەفرۆشتووە و بێگانەپەرستی نەکردووە بەڵکو سازشی لە سەر بچووکترین مافی گەلەکەی و بستێک خاکی پیرۆزی کوردستان نەکردووە ، ئێستاش بە رۆحێکی نیشتیمانپەوەرانە و کوردپەورانە بەرەو هەڵبژاردنی خوڵی شەشەمینی پەرلەمانی کوردستان لە رۆژی 20ی ئۆکتۆبەری 2024 هەنگاوی ناوە تا کوردوکوردستان لە پیلانگێری و گەمارۆدان و خەونی ژێر دەستکردن و نەهێشتنی قەوارەی شەهیدان و پێشمەرگە وەک هەمیشە بپارێزێت.
بەدڵنییاییەوە پارتی هەردەم پێشەنگە و وەک چەقڵی چاوی دوژمنان و چیاییەک سەرکەش رووبەڕووی نەیارانی نێوخۆی و دەرەکی دەبێتەوە .
مێژوو گەواهیدەرە پارتی دیموکراتی کوردستان ، سەرەڕای هەموو ئاستەنگ و سەختییەکانی بەردەمی هەنگاوەکانی لە پێناو بەهێزکردن و پێشخستنی کوردستانە لە گشت روویکەوە و ستراتیژی سەرەکیشی پشت بە خۆ بەستنە بەرەو ئامانج و مافێکی رەوا کە ئەویش سەربەخۆیی ئابووری و سیاسیە ، لەگەڵ ئەوەی کە دوژمنانی ناوخۆیی و دەرەکی لە ساڵانی رابردوو بە چەندین سیناریۆ و چەکی کۆمەڵکوژ پەڵاماری پارتی وهەرێمی کوردستانیان دا بەڵام پارتی سازشی نەکرد و کاروانەکەی رانەوەستا و بە سیاسەت و دیپلۆماسی و سیاسیەتی ژیرانەوە کاروانەکەی زیاتر بەرەو پێشەوە برد و پارتی پیشانی هەموو جیهانی دا کە لە پێناو بەرژوەندییەکانی کوردستان هەموو جۆرە بەرپرسیاریەتییەکی قۆرس بە ئەستۆ بگرێت .
نەیارانی کوردستان خەونی ئەوەیان دەبینی کە ، بەڕێگەی بەڕێوەچوونی هەڵبژاردنێکی دیزاینکراو ، وەفاداری خۆیان بۆ بەکرێگیراوەکانیان بنوێنن ،چونکە باش دەزانن کە چ شکستێکی گەورە چاوەروانی خاکفرۆش و بەکرێگیراوەکانیان دەکات ،ئەوان تا ئێستاش کار بۆ ئەو راستییە دەکەن کە هاوشێوەی هەڵبژاردنی پارێزگای کەرکووک بە سەختەکاری و بەوجۆرەی کە ویستی ئاغاکانیانە یەکێتی کورسی و دەنگی ساختەی زۆر بەدەست بنێت ، هەر ئەوەش بوو چەند هەنگاوی مەترسیداریان نا ، بەڵام پارتی دیموکراتی کوردستان ڕەتی کردەوە و رێگە نەدا خەونی نەیارانی کوردستان و بەکرێگیراوەکانیان بێتەدی و بۆیە داوای کرد کە مافی پێکهاتەکان مسۆگەر بکرێت و هەمووان تێیدا بەشداری بکەن و بریار بریاری خەڵکی کوردستان بێت نەک هەڵبژاردنێکی دیزاینکراوی نەیاران بە سوودی حزب ولایەنێک .
بەدڵنییاییەوە ، خەڵکی کوردستان بریار لە سەر ئایندەی خۆیان دەدەن و چیتر کورسی و دەنگ نابەخشڕێت لە پێناو رازیکردنی لایەنێک کە جگە لە زیانگەیاندن بە دۆزی کورد و هەرێمی کوردستان و سوودبەخشی بۆ نەیارانی کوردستان هیچ قازانجێکی نەبووە و دەبێ هەر کەس و لایەنێک سەنگ و قورسایی خۆی دیار بێت و بەدڵنییاییەوە و خەڵکی کوردستان و پارتییەکان پاداشتی هەڵوێستە نەتەوەیی ونیشتیمانییەکانی پارتی کە پارێزگاریکردن لە خاک و مافەرەواکانی خەڵکی کوردستان دەدەنەوە ، چونکە بۆ پارتی پاراستنی قەوارەی هەرێمی کوردستان لە سەروووی هەموو بەرژوەندییەکی ترەوە وچونکە ئەگەر لە رابردوو پارتی بەکرداریش سازی بۆ کورسی و دەنگی خۆی کردبێت بۆ لایەنێکی تر ئەوا لە پێناو سەنگ وپێگەی کوردستان بووە ، چونکە پارتی هێزی یەکەم و متمانەپێکراوە لە سەر ئاستی کوردستان و عێراق و ناوچەکەدا ،
ئەمرۆ لە سایەی سیاسەتی ژیرانەی سەرکردایەتیی پارتی ، کوردستان بووەتە جێگەی متمانەیەکی زۆر لە رووی دیپلۆماسی وبازرگانی وڵاتانی ناوچەکە ەو جیهان و بەدەیان کونسوڵخانە و نووسینگەی وڵاتانی زڵهێز روویان لە هەرێمی کوردستان کردووە ، بوونی پارتی واتا هێز ومتمانە لە هەرێمی کوردستان ، واتا مێژووی پڕشانازی و دەستکەوت ، واتا بەردەوامی خەباتی بێ وچان لە پێناو بەرژوەندییە باڵاکانی گەل ونیشتیمان .
