میدیاکانی ئیسرائیل بڵاویانکردەوە، ڕاگرتنی گەشتەکانی هێڵی ئاسمانی ئەمریکی بۆ ئیسرائیل تا مانگی نیسانی ٢٠٢٥ درێژکراوەتەوە.
ڕۆژنامەی “هوم”ی ئیسرائیلی لە زاری ئاژانسەکانی گەشتیارییەوە بڵاویکردەوە، تا مانگی نیسان سەرجەم گەشتە ئاسمانییەکانی هێڵە ئاسمانییەکانی ئەمریکی لە سیستمی حجزکردن لابراون و بەم شێوەیەش هیچ گەشتێکی ڕاستەوخۆ لە ئەمریکاوە بۆ ئیسرائیل ناکرێت.
لەماوەی چەند هەفتەی ڕابردوودا، چەند کۆمپانیایەکی فڕۆکەوانی لەوان لوفتانزا، نەمسا، ئیبریا و برۆکسل، گەشتەکانیان بۆ ناوچەکە دواخست، ئەمەش دوای زیادبوونی نیگەرانییەکانیان.
