رێبوار حەمەلاو شوانی
پاش پیلانگێری وگەلەکۆمەکی ناوچەی و نێودەوڵەتی داگیرکەرانی کوردستان لە دژی کۆماری کوردستان لە مهاباد و ڕووخاندنی گەشێکی سەختی بێ ئومێدی باڵی بەسەر نەتەوەی کورد دا کێشا ، بەڵام مستەفا بارزانی باوکی رۆحی نەتەوەیی کورد ڕێگەی نەدا خەونی دوژمنانی کوردستان بێتەدی لە 16ی ئابی 1946 پارتی دیموکراتی کوردستانی دامەزراند ، کە راستیدا تەنها پارتێک نەبوو بەڵکو بزاڤێکی رزگاریخوازی و کوردپەوەری و نیشتیمانپەوەری بوو هەر ئەوەش بوو لە سەر ئاستی هەموو کوردستان جێگەی ڕەزامەندی و بەگوروتینەوە پێشوازی لێکرا و هیوا وئومێد و رووناکی بەخشییووە بە کوردوکوردستان و لە هەمان کاتیشدا بە هەموو داگیرکەران و نەیارانی کوردستان گووت کە دۆزی رەوای گەلی کورد بەهێزتر لە جاران کاروانەکەی بەردەوامە و هەرگیز کۆڵ نادات و خۆی ناچەمێنێت لە ڕووبەڕووبوونەوە و بەگژدا چوونەوەی ستەنکاران تا گەیشتن بە هەموو مافەرەوا زەوتکراوەکانی.
لێرەدا ئەوەی گرنگە بگووترێت ، پارتی دیموکراتی کوردستان بە ڕابەرایەتی بارزانی خاوەن مێژووییەکی پڕ لە سەروەرییە لە خەباتی چەکداری و سیاسی و هەزاران کەس گیان و رۆح و خوێنی لە پێناو گەیشتن بە ئازادی و سەربەستی ڕشتووە و بەخشیووە و خاوەن گەورەترین شۆڕش و بەرخودانە کە شۆڕشی مەزنی ئەیلوول و و گوڵان لە پێناو زرگاری گەلێک بە دڵ وگیان خوێنی بەخشیووە و بستێک خاکی کوردستان نەماوە پارتی خەبات و چاڵاکی تێیدا ئەنجام نەدابێت ، لە پێناو مافەرەواکانی گەلی کورد و چەندین داستانی پڕ لە سەروەری تۆمار کردووە ، تا کوردستانی گەیاندۆتە کەناری ئارامی ، بارزانیی هەموو تەمەنی خی بۆ خەبات و شۆڕش و کوردایەتیی تەرخانکردووە .
پارتی هەر لەو کاتەی دامەزراوە تا بە ئەمڕۆ خاوەن پلان و ئامانج و ستراتیژی نیشتیمانی ونەتەوەی بووە سەرەڕای هەموو ئاستەنگەکان بە پێی هەلومەرجەکان کاری لە سەر کردووە و کۆڵی نەداوە و درێغیشی نەکردووە کە بریتین لە :
یەکەم ،، ڕووبەڕووبوونەوەی ستەمکاری دژ بە کوروکوردستان
دووەم ،، خەباتی ڕەوای چەکداری و سیاسی و دیموکراسی تا گەیاندنی گەلی کورد بە مافی سەربەخۆی و ئازادی یەکجاری .
سێیەم ،، باوەری تەواو و پشتیوانی کردن لە بنەماکانی یەکتر قبووڵکردن و پێکەوەژیانی ئاشتیانەی گشت پێکهاتە و ئایین وئایینزاکان کە ڕەنگدانەوەی جوانی بۆ کوردستان بەخشیووەتە جیهان .
چوارەم ،، باوەری تەواو بە بنەماکانی دیموکراسی و هەڵبژاردنێکی ئاشتیانە و دەستاودەستکردنی دەسەڵات و بەدامەزراوەییکردنی گشت دامودەزگەکانی حکوومەتی هەرێمی کوردستان و ئینجا چەسپاندنی یاسا .
پێنجەم ،، سازش نەکردن لە خاک و هەموو مافێکی رەوای خەڵکی کوردستان و بەکردەوەش باج و قوربانی زۆر لە وپێناویدا بەخشراوە .
شەشەم ،،كوردستان له سایهی پارتی و سهرۆك بارزانی بووه خاوهنی حكوومهت و پهرلهمان و له ماوهیهكی كهمدا بووه خاوهن دامهزراوهی سهرۆكایهتیی ههرێمی كوردستان و پارتی له پێش ڕاپهڕین و له دوای ڕاپهڕینیش خاوهنی زۆرترین قوربانی بووه.
بۆیە، ئەو بیروباوەرە و ستراتیژە نەگۆڕانەی پارتی دیموکراتی کوردستان وایانکردوو کە لەماوەی نزیکەی هەشت دەیەی رابردوو سەنگ وپێگەی هەرێمی کوردستان رۆژ بە رۆژ بەهێزتر وگەورەتر و بە پێشەنگی لە سەر ئاستی کوردستان و عێراقیدا بمێنێتەوە .
هەر بۆیە، پارتی دیموکراتی کوردستان بێجگە لەوەی حزبێکی سیاسی مەزنە لە هەمان کاتیشدا خاوەن پرۆژەی سیاسی و بیروهزری نەتەوەپەوەری و نیشتیمانپەوەرییە چ لە سەر ئاستی ناوچەی و چ نێودەوڵەتی و خاوەن سەنگ وپێگەیەکی بەهێزە کە توانیوێتی نوێنەرایەتی نەتەوەیەکی زیاتر لە 50 ملیۆن کورد بکات .
پارتی و بارزانی لە رابردوو و ئێستاشدا هەرێمی کوردستانیان گەیاندۆتە ئاستی دەوڵەتێکی سەربەخۆ ولەگەڵ ئەوەشدا گرنگی و بایەخی زۆری بە پێکەوەژیان داوە و هەمیشە لە بەرگریکردن و بەرپرسیاریەتی پشکی زۆری لە قوربانیدان بەرکەتووە بە تایبەتی لە چارەسەرکردنی پرس و کێشەکان و پارێزگاریکردن لە خاکی کوردستاندا و هەمیشە رۆڵی گرنی هەبووە ، لە بڕیارەکان لە پێناو بەرژوەندی گەلی کورد ، نموونەی هەر بەرچاویش ڕێفراندۆمی سەربەخۆیی و سەرکەوتنی بەڕێژەی 93% دا و پارێزگاریکردن لە دڕندەترین رێکخراوی تیرۆریستی داعش و ئینجا پارێزگاریکردن لە قەوارەی هەرێمی کوردستان لە گشت قەیران و پیلانگێرییەکانی بەردەمیدا .
هەر ئەوەشە وایکردووە کە پارتی بە هۆی هەڵوێستە نەگۆڕ و ستراتیژە نەتەوەی و نیشتیمانییەکانی ڕووبەرووی دەیان پیلانگێری و هەڕەشەی مەترسی بۆتەوە بە ئامانجی نەهێشتن و لاوازکردنی پارتی ورێبازەکەی ، بەڵام هەمیشە بەهێزتر لە جاران و ڕژدتر بووە لە پێناو پارێزگاریکردن لە دۆزی رەوای گەلی کورد .
ئەمڕۆ لەکاتێکدا یادی 78هەمین ساڵیادی پارتی دیموکراتی کوردستان دەکەینەوە ، کە رەوشی ناوچەکە و جیهان و بەتایبەتی عێراق بەرەو قۆناغێکی هەستیاردا هەنگاو دەنێ، لە کاتێکدا بەهۆی خۆپەرستی و حزبایەتی بەرتەسکی هەندێک لایەن نێوماڵی کوردستان ڕێک نییە ، گرنگە حزب ولایەنەسیاسییەکانی ڕەچاوی بەرژوەندییە باڵاکانی کوردوکوردستان بکەن و پشتیوانی سیاسەتی حەکیمانەی سەرۆک بارزانی بن لە پێناو پارێزگاریکردن لە دەستکەوتەکان و تێپەڕاندنی ئەم قۆناغە بەرەو داهاتوویەکی گەشتر وپڕ ئومێدتر و کوردستانێکی ئاوەدانتر. بەدڵنییاییەوە پارتی حزبی ڕابردوو، ئێستا و داهاتووه، ئومێدی تهواومان به پارتی ههیه و ههر پارتییه هیوا و ئومێدی كورد و كوردستان.
