زارى کرمانجى-سۆران:
تیمێكی سهربازی ئهڵمانیا له وهزارهتی بهرگری هاوكاری تهندروستی پێشكهش به وهزارهتی پێشمهرگه دهكهن.
ئهمڕۆ پێنجشهممه 15ی ئابى2024، تیمێكی سهربازی له وهزارهتی بهرگری ئهڵمانیا سهردانی وهزارهتی پێشمهرگهی حكومهتی ههرێمی كوردستانیان كرد، تیمهكه هاوكاری تهندروستی وڵاتهكهیان پێشكهش به وهزارهتی پێشمهرگه كرد.
ئهڵمانیا لە ساڵی 2014ـەوە یهكێكه له وڵاتانهی لهچوارچێوهی هاوپهیمانی نێودهوڵهتی دژ بهداعش ئهندامه، جیا لهوهی پاڵپشتی هێزهكانی پێشمهرگهی كردووه و مهشق و ڕاهێنانی پێ كردوون، هاوكات چهند یهكهیهكی سهربازیشی ههیه به ژمارهیهك راهێنهری سهربازی پێشكهوتووهوه.
