نیوهڕۆی ئهمڕۆ چوارشهممه 2024/8/14 بهڕێز نێچیرڤان بارزانی، سهرۆكی ههرێمی كوردستان، له دیدارێكدا لهگهڵ بهڕێز ستێڤ بیتنهر كونسوڵی گشتیی نوێی ئهمهریكا له ههرێمی كوردستان، وێڕای بهخێرهێنان، پیرۆزباییی دهستبهكاربوونی لێكرد و هیوای سهركهوتنی بۆ خواست، ههروهها خواستی ههرێمی كوردستانی بۆ برهودان به هاریكاریی هاوبهش و پهیوهندییهكانی لهگهڵ ئهمهریكا دووپات كردهوه.
له دیدارهكهدا كه بهڕێز مارك سترۆ كونسوڵی گشتیی پێشووی ئهمهریكا له ههرێمی كوردستان ئاماده بوو، سهرۆك نێچیرڤان بارزانی سوپاسی كونسوڵی پێشووی كرد و هیوای سهركهوتنی بۆ خواست، ئهویش لای خۆیهوه سوپاسی هاوكاری و پشتگیریی لایهنه پهیوهندیدارهكانی ههرێمی كوردستانی بۆ سهرخستنی ئهركهكهی دهربڕی.
له دیدارهكهدا بهڕێز كونسوڵی گشتیی نوێی ئهمهریكا بهردهوامیی پشتگیری و هاوبهشی و هاوپهیمانیی وڵاتهكهی لهگهڵ عێراق و ههرێمی كوردستاندا دووپات كردەوە، ههروهها ههردوولا جهختیان له گرنگیی ههڵبژاردنی پهرلهمانی كوردستان كردهوه و هیوایان خواست پرۆسهی دهنگدان سهركهوتووانه بهڕێوه بچێت.
پهیوهندییهكانی ههولێر ـ بهغدا، دۆخی ناوخۆی عێراق و ههرێمی كوردستان و دوایین پێشهاتهكانی ناوچهكه بهگشتی، تهوهرێكی دیكهی دیدارهكه بوو.
