5 ساڵ بەسەر خیانەتە مێژوویەكە تێدەپەڕێت
” پاش ئەو خیانەتە یەكێتی بوون عەیبەیەكی مەزنە”
خەلیل رێباز
16ی ئۆكتۆبەر 2017، ئەو رۆژە رەشەی كە یەكێتی نیشتمانی كوردستان بە رێككەوتنی ژێر بەژێر لەگەڵ هێزەكانی حەشدی شەعبی و چەندین یەكەی سەربازی ئێران خیانەتیان لە نیشتمان كرد و بەشێك لە هێزەكانیان لە بەرەكانی بەرگری و جەنگ كە زۆر ستراتیژی بوون كشاندەوە، هەر چەندە هەندێك لە هێزەكانیان لە ناو كەركووك و دەورووبەری مابوونەوە و ئامادە نەبوون بچنە ژێر باری ئەو بڕیارە پڕ لە خیانەتە، بەڵام بەهۆی چۆڵ كردنی سەنگەرەكانی پشتەوەی هێڵی بەرگری ئەوهێزە دوای بەرگرییەك ناچار بوون پاشەكشە بكەن، لە هەندێك سەنگەرەكان پێشمەرگەكانی سەربەیەكێتی شەهید بوون، بەڵام سەنگەرەكانیان جێ نەهێشت، بەڵام بەهۆی بڕیاری پڕ خەیانەتی سەركردایەتییان كاریگەریان نەبوو، بۆیە تا توانیان لەگەڵ هێزەكانی پارتی دیموكراتی كوردستان بەرگریان كرد، هاوسەنگ نەبوونی هێز و خیانەتی یەكێتی و لە لایەكی دیكەش دارشتنی تاكتیكی بەرگری بۆ پاراستنی كیانی سیاسی هەرێمی كوردستان، هێزەكانی پارتی ناچار بە پاشەكشە كرد و لە پردێ هێڵێكی بەهێزی بەرگریان دامەزراند، چونكە مەبەستی سەرەكی حەشدی شەعبی و هێزەكانی دیكەی پاڵشتیان مەبەستیان نەهێشتنی كیانی سیاسی هەرێمی كوردستان بوو، لە لایەكی دیكەشەوە لە سەحێلا و مەحموودیە هێزەكانی حەشدی شەعبی بە یاوەری پاسدارانی ئێران و ژمارەیەك ئەفغانی بەكرێ گیرا هێرشی توندیان دەكرد سەر هێڵەكانی بەرگری پێشمەرگەی كوردستان، ئەو كات بە هۆی ئەو خیانەتە مەزنەی یەكێتی كردی، پلانی تۆكمە دارێژرا كە هەر چۆنێك بێت، هەرێمی كوردستان لە پیلانی داگیركەران بپارێزرێت.
هێزەی پێشمەرگەی كوردستان بە ورەی پۆڵائین و پاڵپشت بە بیروباوەری خۆنەچەماندنەوە بەرگریان كرد و لە پردێ و سەحێڵا و مەحموودییە مەزنترین داستانیان تۆمار كرد و هەرێمی كوردستانیان لە دەستی پیلانی ناحەزان بۆ نەهێشتنی رزگار كرد.
لە ئەنجامی ئەو خیانەتە مەزنەی یەكێتی 51% خاكی هەرێمی كوردستان لەدەست درا، دەیان پێشمەرگەش شەهید و بریندار بوون.
شكۆی پێشمەرگە و كورد كە بەهۆی خیانەتی یەكێتی بەرەو شكان دەچوو پارێزرا و نیشانی هەموو جیهان درا ئەگەر كورد یەك بن و خیانەت نێتە نێوانیان بە هێزێك ناشكێندرێت.
ئەنجامی خیانەتە مەزنەكەی یەكێتی جگە لەوەی رووبەڕێكی زۆری خاكی نیشتمان خرایە دەست داگیركەران و بە مەنتقی هێزە مامەڵەی سیاسی لەگەڵ هرێمی كوردستان دەكرا، لە هەمانكاتیشدا تا ئێستاش پڕۆسەی تەعریب كردن و دەر كردن و زەوت كردنی زەوی جوتیارانی كورد بە دەستی عەرەبەكانی هاوردە بەردەوامە.
چ ئەو كات و چ ئێستاش تاكە لایەنی سیاسی كە بەرگری لە كوردانی ناوچە دابڕیندراوەكان دەكات تەنها پارتییە و نوێنەرانیێتی لە پەرلەمان و حكومەتی ناوەندی، بۆیە بەشێكی زۆری رۆشنبیران، نووسران، سیاسییەكان و تاكی كوردی پێیانوایە دوای ئەو خیانەتە مێژووییە یەكێتی بوون عەیبەیەكی گەورەیە.
