پشتیوان كەریم – زاری كرمانجی :
نەوت فرۆشێكی سەنتەری قەزای ناوەندی سۆران، لە بارەی دابەزینی نرخی نەوت بۆ زاری كرمانجی دەڵێت:” ئەمڕۆ نرخی نەوتی سپی ماڵان بەراورد بە هەفتەی رابردوو كەمێك رووی لەدابەزینكردووە و گۆڕانكاری بەسەردا هاتووە، ئەمەش بۆ ئەوە دەگەڕێتەوە كە نەوتی عێراقی و ئێرانی لە بازاڕای نەوت فرۆشان بەردەستە و كڕین و فرۆشتنی پێوە دەكرێت.”
مەغدید ئۆمەراوەی ئاشكراشی كرد:” لەئێستادا كڕین و فرۆشتنی نەوت لە بازاردا وەستاوە مامەڵەی پێوەناكرێت، بەهۆی دەنگۆی هاتنی نەوت و دابەشكردنی بەسەر هاووڵاتییان لەلایەن بریكارەكانی خۆراكەوە، بۆیە پێشبینی دەكرێت نرخی نەوت زیاتر روو لە دابەزین بكات.”
ئەو نەوت فڕۆشەی سۆران ئەوەشی خستە ڕوو:” لە ئێستادا نرخی یەك بەرمیل نەوتی بێجی عێراقی بە 265 هەزار هەروەها نرخی یەك بەرمیل نەوتی بازیان بە 255 هەزار دینار دەفڕۆشرێت، هاوكات نرخی بەك لیتر نەوتیش بە 1200 دینار دەفرۆشرێت”.
