وەرزش ـ زاری كرمانجی:
ئێوارەی ئەمڕۆ یەكشەممە كاتژمێر 5:15، بارسێلۆنا و ریال مەدرید ئێلـ كلاسیكۆی ژمارە 250 ئەنجامدەدەن.
ریال مەدرید و بارسێلۆنا لەدۆخێكدا رووبەرووی یەكتری دەبنەوە، كە لەلایگا خاڵەكانیان هاوتان لەهەشت یارییدا یەكی 22 خاڵیان كۆكردوەتەوە، بارسا بە جیاوازی گۆڵ پێشەنگی ریزبەندی گرتووە.
بارسێلۆنا و ریال مەدرید، لەم وەرزەی لالیگا یەكی هەشت یارییان ئەنجامداوە 7 بردنەوە و 1 یەكسانبوونیان تۆماركردووە. مێرەنگی 19 گۆڵیان كردووە و 7 گۆڵیان لێكراوە و كوڕانی چاڤی 20 گۆڵیان تۆماركردووە و تەنها جارێك تۆڕی شتیگن هەژێندراوە.
هاوكات لەچامپیۆنزلیگ، ریال مەدرید سەركەوتنی بۆ قۆناخی 16 مسۆگەر كردووە و بارسێلۆناش تا ڕەدایەكی زۆر هیوای سەركەوتنی لەدەستداوە.
لەمێژووی لالیگادا، دوو جەمسەرەكەی ئیسپانیا 184 جار بەیەك گەیشتوون، مێرەنگێ 76 بردنەوە و بارسا 73 بردنەوه، لە 35 بۆنەشدا یەكسانبوونە.
لەسەرجەم پاڵەوانێتییەكانیشدا، 249 جار بەیەك گەیشتوون، 100 بردنەوە لەسوودی ریال و 97 لەسوودی بارسا و، 52 یارییش بەیەكسانبوون تەواوبوونە.
