زاری كرمانجی- دیانا:
بەپێی ڕاگەیەندراوێكی بەڕێوەبەرایەتی چاودێری بازرگانی سۆران، ئەمڕۆ لیژنەی پشكنین و چاودێری كردنی بازاڕ، لە سنووری ناحیەی دیانا، سەردانی چەندین گۆشت فرۆشییان كردووە و دەستیان بەسەر 65 كیلۆ گۆشتی خراپ و ماوە بەسەرچۆدا گرتووە و هەروەها ڕێكاری یاساییان بەرامبەر گرتۆتەبەر، هەر لەم سەردانەشدا چەند شوێنێكی دیكەش ئاگادار كرانەوە، دەستخۆشیش لەو كەسانە كرا كە وەك پێویست پەیڕەوی ڕێنماییەكان دەكەن.
هەر لەم ڕاگەیەندراوەشدا، ئاماژە بەوەشكراوە” هەموو ئەو شوێنانەی كە لیژنە سەردانیان كردووە ڕێنمایی تەندروستییان پێدراون و گۆشتفرۆشەكان ئاگادار كرانەوە نابێت بە هیچ شێوەیەك گۆشتی قیمە و ئامادەكراو بدرێتە هاووڵاتییان و داوا لـــــە هەموو هاووڵاتییانیش دەكەین هەر سكاڵایەكیان هەبێت ئەوا دەتوانن پەیوەندی بەم ژمارانەی خوارەوە بكەن.
07502125544 لێژنەی قەزای ناوەندی سۆران
07509683135 لێژنەی ناحیەی دیانا
