محەممەد مەحموود- سۆران :
هەر پڕوژەیەكی وەبەرهێنان و نێشتەجێبوون، مۆڵەتی كاری لیژنەیەكی تایبەت مەندی بەرگری شارستانی نەبێت كە نوێنەرەكانی لە چەند دامەزراوەیەكی حكومین، رێگە بەدروستكردنیان نادرێت.
مقدەم شوان خالید، بەڕێوەبەری بەشی هونەری لە بەڕێوەبەرایەتی بەرگری شارستانی سۆران ، بە زاری كرمانجی راگەیاند” بۆ رێگە پێدانی دروستكردنی یەكەكانی نیشتەجێبوون و باڵەخانەكان لیژنەیەك دروستكراوە بە ئەندامیەتی هەریەكە لە نوێنەری شارەوانی، كارەبا، خانووبەرە، بەرگری شارستانی سەرپەرشتی دەكات، هەفتانە كۆبوونەوەی تایبەت دەكرێت، بۆ دانیشتن لە سەر ئەو داواكاریانەی ئاراستەی ئەو لیژنەیە كراون لە لایەن لایەنە پەیوەندیدارەكان، دوای هەڵسەنگاندن و بەدواداچوون وخستنەرووی نەخشەی ئەو پڕۆژەیە بڕیار دەدرێت بۆ دەستپێكردنی كارەكان ، بەو مەرجەی تەواوی ئەو رێنمایی و راسپاردانە جێ بەجێ بكرێن كەوا لیژنەكە دیاریكردوون وەك مەرجی سەلامەتی”.
مقدەم شوان، گوتیشی” لە دوای كارەكانی ئەو لیژنەیە دوای كۆتایهاتنی كارەكان لیژنەی وەرگرتن دەچێت پێداچوونەوە بە تەواوی كارەكان دەكات، گەر خاڵێك جێ بەجێ نەكرابێت ئەوا مۆڵەتی كار كردنی پێنادرێت تاكو تەواوی كەم و كورییەكان چارەسەر دەكرێن، ئەمەش لە پێناو سەلامەتی گیانی هاووڵاتییانە”.
بەڕێوەبەری بەشی هونەری لە بەرگری شارستانی سۆران ئاماری ئەو مۆڵەتانەی خستەروو كەوا لەماوەی دروست بوونی ئەو لیژنەیە دروان و ساڵ بە ساڵیش كەمتر بوونەتەوە بە هۆی تووندی رێكارەكان و مەرجەكانی سەلامەتی، ئاماری مۆڵەتی پڕۆژەكان بەمجۆرە بووە لە سنووری ئیدارەی سەربەخۆی سۆران
ئاشكراشی كرد:” لە ماوەی ساڵی 2021 تا ئێستا مۆڵەتەكانی كاركردنی پڕۆژەكان ١١٥ مۆڵەت بوونە بەشی زۆریشیان باڵەخانەی دوو نهۆمی بوونە .
