میری ئێزدییان : فرمێسكی سەرۆك بارزانی لە بیر ناكەین

زاری كرمانجی – سۆران :

حازم تەحسین بەگ، میری ئێزدییان، ئەمڕۆ لە یادی 10 ساڵەی جینۆسایدی ئێزدییان لە هەولێری پایتەختی هەرێمی كوردستان ڕاگەیاند ” فرمێسكی سەرۆك بارزانی لە بیر ناكەین كە بۆ ئێزدییەكان ڕشتی.”
لە درێژەی قسەكانیدا، میر حازم تەحسین بەگ، میری ئێزدییان گوتی ” ڕۆژی 3-8 تراژیدیایەك بوو درێژەی ئەو 74 كۆمەڵكوژییە بوو كە بەسەر ئێزدییەكان هات، ئەو نەوەیەی ئەمڕۆ ماونەتەوە نەوەی ئەوانەن كە جینۆسایدكراون.”
دەشڵێت “هەرگیز ئەوە لە بیر ناكەین كە حكومەتی هەرێمی كوردستان هەموو هاوكارییەكیان پێشكەش كردین، جگە لەوەش هەڵوێستی سەرۆك بارزانی لە بیر ناكەین ئەو لە پیرمام فرمێسكی ڕشت بۆ ئێزدییەكان. هەڵوێستی نێچیرڤان بارزانی لە بیر ناكەین نووسینگەیەكی بۆ گەڕانەوەی كچ و ژنانی ئێزدی كردەوە، هەڵوێستی مەسرور بارزانی لە بیر ناكەین مووچەی بۆ ڕزگاربووانی ئێزدی بڕیوەتەوە.”