زاری كرمانجی:
بۆ ساڵی دووەم لەسەر یەك، نزیكەی پێنج هەزار تۆن پەتاتەی خۆماڵیی جووتیارانی هەرێمی كوردستان هەناردەی ئیمارات دەكرێت.
لە چوارچێوەی ڕێككەوتنێكی نێوان كۆمپانیای “ئاورا”ـی هەرێمی كوردستان و كۆمپانیایەكی ئیماراتی؛ نزیكەی پێنج هەزار تۆن پەتاتەی خۆماڵیی جووتیارانی هەرێمی كوردستان هەناردەی ئەو وڵاتە دەكرێت، ئەمڕۆ 100 تۆن پەتاتە هەناردەی ئیمارات دەكرێت
حاجی سابیر خۆشناو، خاوەنی كۆمپانیای “ئاورا” ڕایگەیاندووە، پەتاتەی خۆماڵیی جووتیارانی هەرێمی كوردستان كە نزیكەی 100 تۆن دەبن، ڕەوانەی وڵاتی ئیمارات دەكرێن، پرۆسەی هەناردەكردن لە ماوەی 15 بۆ 20دا ڕۆژ بەردەوام دەبێت تا هەر پێنج هەزار تۆنەكە ڕەوانەی ئەو وڵاتە دەكرێت.
ساڵی ڕابردوو بۆ جاری یەكەم زیاتر لە 13 هەزار تۆن پەتاتەی خۆماڵیی جووتیارانی هەرێمی كوردستان ڕەوانەی ئیمارات و سعوودییە كرا، بڕیار وایە ئەمساڵیش پتر لە 25 هەزار تۆن پەتاتەی جووتیاران ڕەوانەی وڵاتانی كەنداو بكەن.
