محەمەد ئامۆكەیی- زاری كرمانجی:
سەمای پەپوولەكانم بەرنامەیەكی رادیۆی زاری كرمانجی بوو یەكەم وێستگەی هاتنە نێو بواری راگەیاند لەو بەرنامەیە تاقی دەكاتەوە، ئێستا نووسەر و بێژەری كرمانجی هەواڵە ئابووریەكانی كوردستان تیڤیە، فاتما مزووری، لە چاوپێكەوتنێنی زاری كرمانجی، باس لە ئەزموونی رادیۆ و تیڤی دەكات و دەڵێت” لە هەردووكیان كارم كردووە و بۆ من پڕبوونە لە ئەزموونی جوان و بنیاتیان ناوم، هیچ جیاوازییەكی ئەوتۆش لە نێوان رادیۆ و تیڤیدا نییە، بەڵام بەڕای من هەر كەسێك لە رادیۆ دەست بەكار بكات بونیاتێكی بەهێزتری دەبێت، من هەمیشە شانازی بە یەكەمین ئەزومون و یەكەمین وێستگەی كارەكەم دەكەم كە زاری كرمانجی بوو”.
ئەو میدیا كارە بۆچوونی خۆشی لەسەر بەشێك لەو كچانەی لە میدیا دەردەكەون دوای شوكردنیان لە گۆڕەپانی راگەیاند ون دەبن دەخاتەڕوو و دەڵێ” هۆكاری سەرەكی نەبوونی پشتگیریە لەناو خێزان بە گشتی و هاوسەری ئافرەتە راگەیاندنكارەكە بە تایبەتی، ئەمەش دووبارە دەگەڕێتەوە بۆ ئەو هێزە سلبیەی كە بەرامبەر بە ئافرەتانمان لە كۆمەڵگەكەماندا هەیە و هەندێك جاریش هۆكاری تری لە پشتە وەكو دروستبوونی منداڵ و كەمی كات، بەڵام بۆ من هۆكاری سەرەكی بەردەوام بوونم هاوسەرەكەمە، كە هەمیشە قەرزار و سوپازگوزاری ئەوم بۆ ئەو تێكگەیشتن و رێز و خۆشەویستیەی كە بۆ من و كارەكەمی هەیە”.
لە بەشێكی تری قسەكانی دا فاتما مزووری، نەهاتنە پێشی ئافرەت لەبواری راگەیاند لە ئیدارەی سۆران ئاشكرا دەكات و رایگەیاند” هۆكاری سەرەكی بۆ كەمی هەبوونی دەزگاو كەناڵە راگەیاندنەكان بە بینراو بیستراو نوسراوەوە دەگەڕێتەوە و دواتریش ئەو گرنگیە كەمەی كە بە ڕۆڵ و پێگەی ئافرەت دەدرێت لە بواری راگەیاندن دا، هەروەها دابەشكردنی كار لە نێو خێزان دابەشكردنی كار لە كۆمەڵگەدایە، سەرەڕای بوونی جیاوازی لە نێوان كلتووری كۆمەڵگە هەندێك خاڵی هاوبەش یاخود لێكچوونی هەندێ بەها، بۆ چوون، تێڕوانین و فۆڕم بۆ ڕۆڵ و پێگەی تاك وایكردووە، كە سیستمێكی باو لە زیهنییەتی كۆمەڵگەدا دروست بێ، كە پیاو بە كەسایەتی بەرز و پلە یەك و ژنیش بە كەسایەتی نزم و پلە دوو سەیر بكات.
