زاری کرمانجی- چۆمان:
دوێنێ یەکشەممە ٧ی تەممووز ٢٠٢٤، لە گوندی روستی باڵەکایەتی پاشماوەیەکی تەقەمەنی جەنگی دۆزرایەوە.
راگەیاندنی بەڕێوەبەرایەتی گشتی کاروباری مین/ هەولێر، بڵاویکردووەتەوە، لە گوندی رۆستی سەر بە ناحیەی سیملان پاشماوەیەکی تەقەمەنی جەنگی کە مەترسی لەسەر رێگەی هاووڵاتییان دروستکردبوو دۆزرایەوە.
ئاماژە بەوەشکراوە، دواتر لەلایەن تیمی لەناوبردنی تەقەمەنی نەتەقاوە EOD پاشماوە تەقەمەنییەکە گواسترایەوە بۆ کۆگای سەرەکی بەڕێوەبەرایەتیمان و چارەسەرکرا.
