د. مەیادە نەجار
هەندێك لایەنی سیاسی لەرێگەی بەیجە فەیكەكانیانەوە، دەیانەوێت ئەوە بڵاوبكەنەوە، كە پارتی شكاوە، ئەوان بەهێزی خۆیان توانیویانە كاندیدەكەیان سەربخەن، ئەوەی جێگەی سەرنجە خودی ئەو لایەنانە بەر لەبڵاوكردنەوەی ئەنجامەكانی دەنگدان لەئەنجوومەنی نوێنەران بانگەشەیان بۆ بەرهەم ساڵح دەكرد ، وەك تاكە كاندیدی یەكێتی یان دەناساند، كەچی دوای چەند چركەیەك وێنەی پڕۆفایلەكانیان لە بەرهەم ساڵحەوە گۆڕی بۆ د. لەتیف رەشید، لەئێستادا ئەو كەسانە دەیانەوێت لەرێگەی دروشمە بریقەدارەكانیان جارێكی تر جەماوەر سەرقاڵ بكەن، لەكاتێكدا پارتی دیموكراتی كوردستان هەرچەندە دەرچوونی كاندیدەكەی مسۆگەربوو بەڵام لەپێناوی پاراستنی یەكڕیزی نێوماڵی كوردا كاندیدەكەی كشاندنەوە.
كاریزما و سەركردە مەزنەكان پەنا بۆ دروشمی بریقەدار نابەن
بێگومان هەرگیز كاریزما و سەركردە مەزنەكان پەنا بۆ دروشمی بریقەدار نابەن، بگرە بەكردەوە هەنگاوەكانیان دەسەلمێنن، ئەمرۆ بینیمان لەدوای سالێك كێشمەكێشی سیاسی عێراق ، ناكۆكی نێوان لایەنەكان ، دواجار هەموو هێزە سیاسیەكان پەنایان بۆ سەری بڵند هێنا، بەحیكمەت و سیاسەتی بێوێنەی سەرۆك ومەرجەعی نەتەوەییمان (سەرۆك مەسعود بارزانی)گەیشتن بە كلیكی چارەسەری كێشەكانی عێراق.
لەچوارچێوەی یەكڕیزی نیشتمانی یەكلاكرایەوە
لەم ڕوانگەیەوە سەرۆك مەسعود بارزانی بەكردەوەیەك سەلماندی هەموو عێراقیەكان دەبێت بۆ چارەسەری كێشەكانیان روو لەهەولێر بكەن، ئەوەی جێگەی دلخۆشی بوو، توانرا رێگری لەوە بكرێت كەسێك لەدەرەوەیی ئیرادەی كوردستانیان بكرێتە سەرۆك كۆمار ، پۆستەكە لەچوارچێوەی یەكریزی نیشتمانی یەكلاكرایەوە، بەم هەنگاوە ئەوە سەلمێنرا كەچیتر دروشمبازی كار ناكات و تەنیا هەنگاوە حەكیمەكانی سەرۆك دەتوانێت هاوكێشەكان بگورێت.
لەكۆتایدا با هەمووان بزانن، جا دوژمن بیت یان دۆست، هەولێر ناوەندی بڕیاری چارەسەرە بۆ هەموو قەیرانەكان، پارتی ئەو هێزە هەرگیز ناشكێت.
