حەسەن كەریم- زاری كرمانجی:
بەهۆی بردنی مریشك بۆ شارەكانی خوارووی عێراق، نرخی مریشكی لە بازاڕەكانی هەرێمی كوردستان بە شێوەیەكی بەرچاو بەرزبۆتەوە.
لەماوەی چەند رۆژدا نرخی یەك كیلۆی مریشكی زسندوو لە 2800 دینارەوە بەرزبۆتەوە بۆ 3750 دینار، كە ئەمە بەرزبوونەوەیەكی خێرایە.
ئەمڕۆ 3-7-2024، خاوەن دوكانێكی مریشك فرۆشی لە سنووری قەزای رواندز بە زاری كرمانجی راگەیاند ” چەند رۆژێك بەرلە ئێستا نرخی یەك كیلۆ مریشك لە نێوان 2800 دینار بۆ 3100 دینار بەرز و نزمی دەكرد، بەڵام دوای ئەوەی رێگە درا خاوەن كێڵگەكانی پەلەوەر بەرهەمەكانیان ببەنە شارەكانی خوارووی عێراق نرخی كیلۆیەك مریشكی زیندوو گەیشتە 3750 دینار”.
