شێخ سەعیدێ پیران ل ساڵا ١٨٦٥ ل دەڤەرا پاڵۆ ل باكۆڕێ كوردستانێ ل ماڵباتەكا زانا و ناڤدار لدایك بوویە.
ژبەر پێگەهێ وی یێ جڤاكی ل هاڤینا سالا ١٩٢٣ ێ یێ كۆمەلا سەرخۆبوون پەیوەندیێ پێڤە دكەت و و پاشان وەكی سەرۆكێ كۆمەلێ دهێتە دەست نیشانكرن.
، بۆ بەرپاكرنا شۆرەشەكا سەرتاسەریا بۆ سەرخۆبوونا كوردستانی و بریار بوو یاداشتەكێ ئاراستەی كۆمەڵەیا نەتەوەكان بكەن بۆ سەرخۆبوونا كوردستانێ.
ل كۆمبوونا باژارێ حەلەبێ رۆژا نەورۆزا سالا ١٩٢٥ دەست نیشان كر بۆ دەسپێكا شۆڕەشێ و سەرخۆبوونا كوردستانێ.
ژ ئەنجامێ شەرەكی دناڤبەرا پێشمەرگەهێن شێخی و رژێما توركی لرۆژا ٥ ێ شوباتا ١٩٢٥ دەمێ شێخ بەرەڤ گوندێ پیران دچوو ، پشتی ڤێ چەندێ پلانا بەرپاكرنا شۆڕەشا سەرتاسەری بداوی نەهاتبوو و پێشوەخت شێخ تاهرێ برای شێخ سەعیدی ل ١٠/٢/١٩٢٥ ل باژارۆكێ لیجێ هاتە دەستپێكرن و شۆرەشگێرا چەند دەڤەر كۆنترۆلكرن و ل چار ویلایەتا ژمارا پێشمەرگەهێن شۆڕەشێ گەهشتە شەش سەد هزار كەسان و ژمارەكا زۆرا نەتەوێن دیتر ژی پشكدار بوون.
شێخ سەعیدی هێز رێكخستن بۆ كۆنترۆلكرنا باژارێ ئامەدێ و پشتی چەندین هێرشا ژبەر نەبوونا چەكێ پێتڤی نەشیا باژاری رزگار بكەن ، ئەڤە بوویە ئەگەرێ بەردەوامیا هێرشێن دوژمنی و ب خیانەتا چەند سەرۆك هۆزێن كوردا شێخ سەعید و شێخ عبەبدوللا و (٢٦ ) هەڤالێن وان ل چەمێ مۆراج ب دیل هاتنە گرتن و وەكی ئەڤرۆ سالا ١٩٢٥ شێخ سەعید دگەل (٤٧) شۆرەشگێرا ل دیار بەكرن هاتنە سێدارەدان .
