ئهمڕۆ چوارشەممە 6/26 مەسرور بارزانی، سهرۆكی حکومەتی ههرێمی كوردستان، پێشوازی له ئەندرو بیزلی، كونسوڵی گشتیی نوێی شانشینی یەکگرتووی له ههرێمی كوردستان كرد.
سهرۆكی حکومەت پیرۆزبایی دهستبهكاربوونی لێکرد و هیوای سهركهوتنی لە ئەرکەکەیدا بۆ خواست و هەموو پشتیوانییەکی حکومەتی هەرێمی کوردستانی بۆ کونسوڵی نوێ دەربڕی، بۆ پەرەپێدانی زیاتری پەیوەندیی بەهێزی نێوان بەریتانیا و هەرێمی کوردستان.
كونسوڵی گشتیی نوێی بهریتانیا، خواستی وڵاتەکەی بۆ بەهێزترکردنی پەیوەندیی هەمەلایەنە لەگەڵ هەرێمی کوردستان دووپات کردەوە.
لە تەوەرێکی دیکەی دیدارەکەدا، بیرو ڕا لەبارەی گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵ ئاڵوگۆڕ کرا.
