شەهلا رەشید- سۆران:
پزیشكێكی پسپۆڕی خۆراك، دەڵێت” زۆرجار خەڵك بەهۆی خواردنێكەوە یاخود بەرزبوونەوەی پلەكانی گەرما تووشی سكچوون دەبن، لەم بابەتەدا ئاماژە بە باشترین خۆراك و خواردنەوەكان دەكەین.
د. كامەران رەسوڵ، پزیشكی پسپۆڕی زانستی خۆراك، بە زاری كرمانجی راگەیاند” ئاماژە بە باشترین ئەو خۆراكانە دەكەین كە سكچوون بەسوودن، لەوانەش:
- ماست، سەرچاوەیەكی باشی پڕۆبایۆتیكەكانە، یارمەتی گەشەكردنی بەكتریا بەسوودەكانی ناو ریخۆڵە دەدات جگە لە بوونی بڕێكی باش لە ئاو و خێرا هەرسكردنی.
-مۆز، بەهۆی ئاسان هەرس كردنی و بوونی بڕێكی باش ماددەی پێكتین كە جۆرێك لە ماددە رێشاڵیانەیە بە ئاسانی دەتوێتەوە، هەروەها ماددەی ئەنیولین كە دەوڵەمەندە بە پڕۆبایۆتێكەكان بێجگە لە بوونی كانزای پۆتاسیۆم .
-پەتاتەی كوڵاو، برنجی كوڵاو بێ تێكردنی زەیت یا روون.
-شۆربای مریشك یان ئاوی مریشك، پێویستە پێستەكەی لاببرێت پێش كوڵاندنی، هەروەها سنگی مریشك یان قەل یاخود قاز بە كوڵاوی .
-بلوبێری، شلێك و تووتڕك .
-هەرمێ، كێوی و سێو، شەرەبەتی فرێشییان لێ دروست بكرێت.
-چاییەكانی گوڵەبەیبوون، نەعنا، زەنجەبیل و گیراوەی جاترە.
-شۆڤان .
ئەم پزیشكە پسپۆڕە، ئاماژەی بەو خواردن و خواردنەوانەش كرد كە نابێت بخۆرێن و بخۆرێنەوە، ئەوانیش:
-ئەو خواردنەوانەی ماددەی كاڤیناینیان تێدایە وەك چا، قاوە و خواردنەوە گازییەكان.
-خواردنەوە گازییەكان و كحوولیەكان.
-خواردنی چەور و سووركراوە.
- شیرینی و ئەو خواردنەوانەی شەكر و ماددەی شیرین كردنی دروستكراوەی وەك سۆربیتۆڵی تێدایە.
- پاقلەمەنییەكان، بڕۆكلی، قەرنابیت، بیبەر و سەوزە گەڵاتۆخەكان .
- شیر و هەندێ لە بەرهەمە شیرەمەنییەكان وەك قەیماغ و پەنیر بەتایبەت لەو كەسانەی كێشەی هەرس نەكردنی لاكتۆزیان هەیە.
- خواردنەوەی بڕی زیاتر لە ئاو و گیراوەی دیكسترۆلایت و شلەمەنی رێگاپێدراو بۆ خۆپاراستن لە وشكبوونەوەی جەستە و خواردنی چەند ژەمێكی سووك هەنگاوێكی بنەڕەیەتیە لە كاتی سكچوون دا.
-وێنەی هەموو كێشەیەكی تەندروستی، دەست نیشانكردنی هۆكاری سكچوون بە راوێژكردن لەگەڵ پزیشكی پسپۆڕی هەناوی یا منداڵان، زۆر گرنگە پێش بەكارهێنانی هیچ جۆرە چارەسەرێك .
