بەرێوەبەری گشتی كارەبای سۆران بە زاری كرمانجی راگەیاند ” لە پلانیاندایە كاتی پێدانی كارەبا ی نیشتمانی و موەلیدە ئەهلییەكان وا رێك بخەن كە 24 كاتژمێر كارەبا بدرێتە هاوبەشانی كارەبا”.
ئەندازیار ئەردەوان ئیبراهیم، زیاتر بۆ زاری كرمانجی روونیكردەوە ” ئێستا 12 كاتژمێر كارەبای نیشتمانی دەدرێتە هاوبەشان، هەندێكجار زیاتریش ئەو كاتەی ماویشە لە رێگەی موەلیدە ئەهلییەكانەوە پڕ دەكرێتەوە، بەڵام پلانێكمان داناوە كە هاووڵاتییان بە هەر دوو كارەبای نیشتمانی و موەلیدەكانەوە 24 كاتژمێر كارەبایان هەبێت”.