زارى کرمانجى-دیانا:
بەیانی ئەمڕۆ دووشەممە ڕێکەوتی 10ى حوزەیرانى 2024، بەهۆى شۆرتى کارەبا، لە شەهیدانى ئازادى ناحیەى دیانا، 30 دۆنم لە پووش و گەنمى جووتیاران سووتا.
ڕائد ڕەوەند هاودیانى، وتەبێژى بەڕێوەبەرایەتى بەرگرى شارستانى سۆران، بە زارى کرمانجى ڕاگەیاند: ” بەیانى ئەمڕۆ لە شەهیدانی ئازادی و غەفوراوە، لە سنوورى ناحیەی دیانا، بەهۆى شۆرتى کارەبا 30 دۆنم پووش و گەنمى جووتیاران سووتا، دوای ڕووداوەکە تیمی ئاگر کوژێنەوەی بنکەی بەرگری شارستانی دیانا و سۆران گەیشتنە شوێنەکەو توانیان ئاگرەکە کۆنتڕۆڵ بکەن”.
زیاتر روونیکردەوە، بەهۆى ئاگرەکە نزیکەى 30 دۆنم پووش و گەنمى جووتیاران سووتا، بەڵام زیانى گیانى نەبووە، هەروەها لەلایەن تیمەکانمان توانراوە چەندین دۆنم زەوى گەنم و باخچەیەک و مۆلیدەیەکى کارەبایى لە سووتان بپارێزن.
