پشتیوان كەریم – زاری كرمانجی:
لەم وەرزەدا نرخی نەوت لە بازاڕەكانی ئیدارەی سۆران بەراورد بە ساڵەكانی ڕابردوو لەم كاتانە ڕووی لە دابەزین كردووە، فرۆشیارێكی نەوتیش لە سەنتەری قەزای ناوەندی سۆران لەم بارەیەوە بە زاری كرمانجی راگەیاند: نرخی نەوتی سپی لە بازاڕەكانی نەوت فرۆشاندا بەراورد بە مانگی ڕابردوو بە جێگیری ماوەتەوە.
مەغدید ئۆمەراوەی نەوت فرۆش، ئەوەشی خستە ڕوو: بەهۆی هاتنی وەرزی هاوین خواست لەسەر نەوت كەمی كردووە، لە ئێستادا نرخی یەك بەرمیل نەوتی بەسرە بە 130 هەزار دینار دەفرۆشرێت نەوتی كەركووكیش بەرمیلێكی بە 120 هەزار دینارە، هەروەها یەك لیتر نەوتیش 550 تا 650 دینارە.
مەغدید ئۆمەراوەی، باس لەوەش دەكات: وەرزی هاوین خواست لەسەر كڕینی نەوت كەم دەبێتەوە ئەمەش كاریگەری كردۆتە سەر دابەزینی نەوت بەراورد بە دوو ساڵی ڕابردوو كە هەر بەرمیلێك بڕی 100 هەزار دینار دابەزیووە.
