هاوبەشانی كارەبا لە ئیدارەی سۆران 76 ملیار دینار قەرزدارنموڕشید برادۆستی – زاری كرمانجیبەڕێوەبەری گشتی كارەبای سۆران، بە زاری كرمانجی راگەیاند:” لە سنووری ئیدارەی سەربەخۆی سۆران 83 هەزار هاوبەشی كارەبا هەیە كە بەسەر جۆرەكانی ” ماڵان، میری، بازرگانی، كشتووكاڵی و پیشەیازی ” دابەش بوونە، بڕە پارەیەكی زۆری كارەبا قەرز دارن .
ئەندازیار ئەردەوان ئیبراهیم، بەڕێوەبەری گشتی دابەش كردنی كارەبای سۆران، ئاشكراشی كرد:” هاوبەشان نزیكەی 76 ملیار دینار قەرزی كارەبایان لەسەر كۆبۆتەوە، حكوومەتی هەرێمی كوردستانیش راچاوی دۆخی هاووڵاتییانی كردووە و دەتوانن بە چەند قستێك پارەی كارەبا بدەنە بەشی فرۆشیاری یا ژمێركاری كارەبا .
بەپێی زانیارییەكانی زاری كرمانجی، لە ماوەی رابردوو، حكومەتی هەرێمی كوردستان بە سەرۆكایەتی مەسرور بارزانی بڕیاری داشكاندن و لێخۆشبوونی بۆ قەرزی كەلەكەبووی هاووڵاتییان لە چەند كەرتێكی حكوومی دەركرد، یەكێك لەوانە لێخۆشبوونی 20%ی قەرزی كارەبای نیشتیمانییە .
