مقاوهمهی ئیسلامیی عێراق، له بهیاننامهیهكدا رایگهیاند، بۆ پاڵپشتی له گهلی فهلهستین، لهڕێی فڕۆكهی بێ فڕۆكهوان “درۆن”هوه هێرشیان كرده سهر شارێكی ئیسرائیل.
ئهمڕۆ یهكشهممە 2ى حوزەیرانى 2024، پێگهی “شهفهق نیوز ” بڵاوی كردووهتهوه، بهپێی بهیاننامهكهی مقاوهمهی ئیسلامیی عێراق ، ئەمڕۆ بەیانى له ڕێی درۆنهوه هێرشیان كردوهتهوه سهر ناوچهی ئوم رهشراشی سهربه شاری ئیلات. دهڵێن ئامانجهكهیان پێكاوه.
مقاوهمه له بهیاننامهكهیدا ئاماژەى بەوەشکردووە، هێرشهكانیان بۆ سهر ئیسرائیل، پاڵپشتییه بۆ گهلی فهلهستین له كهرتی غهزه كه وهك خۆیان دهڵێن، كۆمهڵكوژیی تێدا ئهنجام داوه، بۆیه تا ئیسرائیل له هێرشهكانی بهردهوام بێت، ئهوانیش خاكی ئیسرائیل و پێگه سهربازییهكانی دهكهنه ئامانجی هێرشهكانیان.
