“بە هەوڵ ماندوو بوونی زۆر كلتووری گەلی كوردتان پاراستووە”
سەرۆك مەسعوود بارزانی بۆ ساڵیادی دامەزراندنی بنكەی لالش پەیامێكی بڵاو كردەوە، ئەوەیش دەقی پەیامەكەیەتی:
بناڤێ خودایێ مەزن و دلۆڤان
بەرێزان سەرۆك و ئەندامێن دەستەیا بلندا بنگەهێ لالش
ب هەلكەفتا سیهوئێك ساڵیا دامەزراندنا بنگەهێ لالش پیرۆزباهیێن خۆ ئاراستەی ھەوەیێن بەرێز و ئەندام و كادرێن بنگەهێ لالش و هەموو خوشك و برایێن ئێزدی دكەم. بنگەهێ لالش د سالێن بووریدا دگەل هەمی كۆسپ و ئاستەنگیان، ب هەولا خەمخۆر و كادر و ڕەوشەنبیرێت جڤاكا ئێزدی، خزمەتەكا بەرچاڤ پێشكەشی كولتوورێ گەلێ كوردستانێ و پاراستنا نەریتێت جڤاكا ئێزدیان كریە.
پشتەڤانیێ ل بزاڤ و ماندیبوونا بنگەهێ دكەم و هیڤییا بەردەوامیێ و پێشكەفتنێ بۆ هەوە و هیڤییا ئارامی و خۆشیێ بۆ هەموو خوشك و برایێن ئێزدی دخوازم و هەر سەركەفتی بن.
بمینن دخێر و خۆشیاندا
