مووسا خالد
پشتی كۆ دوهی سەرۆكێ هەرێما كوردستانێ نێچیرڤان بارزانی د سەرەدانەكا فەرمی دا گەهشتە تەهرانێ دگەل بەشەك ژ سەركردەێن ئێرانی كومبووی ئەڤە وێ چەندێ دگەهین كۆ هەرێما كوردستانێ بەردەوام دگەل ئاشتی و سەقامگرییەكا ئارامە بۆ دەڤەرێ چونكی سەرۆك نێچیرڤان بارزانی خۆدان كارێزما و ب ئەندەزیاریێ ئاشتیێ و هێزا نەرم یا چارەسەریێ دهێتە ناسین ئەڤە ژی وێ چەندێ دگەهێنت كۆ پەیاما نێچیرڤان بارزانی و هەرێما كوردستانێ یا رۆن و ئاشكرایە كۆ بەردەوام دگەل گیانێ پێكڤەژیان و ئاشتیەكا بەردەوامە بۆ دەڤەرێ تایبەت ل ناڤ عێراقێ دا و هەم هەبوونا پەیوەندیێن بهێز و دێرین دگەل هەرێما كوردستانێ و ئیرانی ژلایێ ئالوگۆركرنا بازرگانی و ئابووری هەبوونا سنورەكێ بەرفرەهـ هەرێما كوردستانێ دگەل ئێرانێ و ئەف سەرەدانە گرنگ دهێتە دیتن چونكی رۆژهەلاتا ناڤەڕاست ب گشتی د قوناغەكا گەلەك هەستیارو مەترسیدایە چونكی هەموو وەلات پێشبێنیا گوهۆرینا بۆ دەڤەرێ دكەن و دیسان كاریگەرترین وەلات توركیا و ئیرانن چونكە خودان هێزو زلهێزن ل رۆژهەلاتا ناڤەڕاست ئەڤەژی بۆ وی شەرێ ناڤبەرا ئێسرائیل و غەزە حەماسێ دزڤریت و عێراق ژی د مەترسیەك بەرفرەهدایه و دیسان پشتی كۆ سەرۆكایەتییا هەرێما كوردستانێ ناڤەڕۆكا كۆمبوونا سەرۆكێ هەرێما كورستانێ ل گەل سەرۆككۆمارێ ئیرانێ راگەهاندی ، هەر دوو ئالییان دوپاتی ل پێدڤییا هەڤكارییا هەڤپشك كریە گرنگترێن خالێن كۆمبوونێ:
1-هەڤكاریێن ئابووری و بازرگانی .
2-هەلبژارتنێن هەرێما كوردستانێ .
3-رەتكرنا هەبوونا مووسادێ ل هەرێمێ .
4-بجهئێنا رێككەفتنا ئێمناهیێ دناڤبەرا ئێران و ئێراقێ دا .
5-هاریكارییا ئێرانێ بۆ چارەكرنا قەیرانێن ناڤخۆ یێن هەرێمێ .
دیسان بهێزكرن و دوپاتی ل بەردەومیدان ب پەیوەندیێن ئابووری ل گەل ئیراق و هەرێما كوردستانێ ل سەر بنەمایێ جیرانییەكا باش، بەرژەوەندیێن هەڤپشك، بلندكرنا ئاستێ لێكگوهارتنا بازرگانی و ئابووری هەروەسا گرنگیدان باشتركرنا پەیوەندیێن كەڤن و دیرۆكی
هەر دوو ئالییان دوپاتی ل پێدڤی و گرنگییا بەردەمییا هەماهەنگی و هاریكارییا هەڤپشك د ناڤبەرا كۆمارا ئیسلامی یا ئیرانێ ل گەل ئیراق و هەرێما كوردستانێ كر بۆ پاراستنا ئارامی و سەقامگێریێ ل ناوچێ
هەرێما كوردستانێ ژی بەشەكە ژ رۆژهەلاتا ناڤین بۆ ڤێ چەندێ ژلایەكێ دپڵوماسی كوردستان پێدڤی ب سیاسەت و ستراتێژییەكا بەرفرەهتر هەیە گرنگیدان و بهێزكرنا پەیوەندێن ناڤخووی و دەرڤە چونكی بەردەوام هەرێما كوردستانێ بەردەوام هێرشێن چەكدارێ بۆ دهێنەكرن و ژلایەكێ دیڤە كا چەوان هەرێما كوردستانێ دگەل وەلاتێ توركیا باشترین ئاستێ پەیوەندیان هەیە ب هەمان شێوە پەیوەندیێن دێرین دنافبەرا هەولێرو تەهرانی دا هەنە چونكە ئەڤە جارا ئێكەم نینە بۆ سەرەدانێن فەرمێ نێچیرڤان بارزانی ژلایێ ئێرانێ ڤە دهێتە داخوازكرن بەلكۆ چەندیین جارە ب فەرمی دهێتە داخوازكرن ئەڤ جورێ سەرەدانێ د دەمەكێ باش و پێدڤی دایە هەم بۆ هەرێما كوردستانێ و هەم بۆ تەهرانێ چونكە هەرێما كوردستانێ فاكتەرێ چارەسەریێ و ئاشتیێ یە دگەل عێراقێ و وەلاتێن جیرانێ خۆە دیسان ئێران ئێك ژ وان وەلاتێن كارێگەرو بهێزە ل رۆژهەلاتا ناڤەڕاست و تایبەت د عێراقی دا ژلایێ سنورێ و بازرگانی سیاسی پێگەهەكێ گرنگ هەیە و گەشەكرنا پەیوەندیێن دپڵوماسی ئێران رۆلەك مەزن و بەرچاڤ هەیە برێكا ڤان پەیوەندیێن بهێز ژ لایێ سەرۆكێ هەرێما كورستانێ دگەل تهرانێ د چارەسەركرنا كێشەێن دناڤبەرا هەولێرو بەغدا دە دچارچووڤێ دەستوری دا ئێران خۆدان هەلویستەكێ گرنگە .
