تەرمی چوار شاخەوان كە لافاو بردبوونی دۆزرانەوە

مەهدی محەممەد – زاری كرمانجی :

تیمەكانی فریاكەوتنی شاری سلێمانیی ڕاگەیاند “ئەو چوار شاخەوانەی لە كاتی لافاوەكە بێسەروشوێن ببوون تەرمەكانیان دۆزرایەوە.”
بەپێی ئەو زانیارییانەی لە ناوچەكە دەست زاری كرمانجی كەوتوون، ئەمڕۆ هەینی گرووپێكی شاخەوانیی سەگرمە كە پێكهاتوون لە 12 كەس، لە سلێمانییەوە بەرەو گوندەكانی بەڵخەی خواروو و سەروو گەشتیان كردووە و دواتریش چوونەتە گوندی ئاوە سپی لە قەرەداغ و لەوێ چوار لە ئەندامانی گرووپەكە كەوتوونەتە بەر لافاو و بێسەروشوێن ببوون.
ماوەیەك بەر لە ئێستا، تیمەكانی فریاكەوتنی شاری سلێمانیی لە ڕاگەیاندراوێكدا چارەنووسی چوار شاخەوانەكەی ئاشكرا كرد و ڕاگەیاند”هەر چوار شاخەوانەكە گیانیان لەدەستداوە و لە ئێستادا تەرمەكانیان بەرەو پزیشكی دادی سلێمانی ڕەوانە دەكرێن.”