زارى کرمانجى-سۆران:
لە ماوەی دوو رۆژدا لە چەند شوێنێکی گەشتیاریی سنوری ئیدارەی سەربەخۆی سۆران، زیاتر لە ٢٠ مین و پاشماوەى تەقەمەنی مەترسیدار دۆزرانەوە.
راگەیاندنی بەڕێوەبەرایەتی گشتی کاروباری مین/ هەولێر بلاوێکردووەتەوە، ”لە گوندی گۆرۆنی سەر بە قەزای چۆمان، گوندی بێنوریانى سەر بە قەزای رواندز، چیایی گۆشینەى سەربە قەزای سیدەکان، لە ناوچەی گەشتیاریی (مەیدانۆکان )ى سەر بە قەزای مێرگەسۆر، 20 مین و پاشماوەى تەقەمەنى مەترسیدار دۆزرانەوە”.
ئاماژەى بەوەشکردووە، مین و تەقەمەنییەکان مەترسیان بۆ سەر گیانی هاووڵاتییان دروستکردبوو، دواتر لەلایەن تیمی لەناوبردنی تەقەمەنیەکان ( EOD ) ، سەرجەمیان بە ڕێکاری تەکنیکی چارەسەرکران و گواسترانەوە بۆ کۆگای سەرەکی بەرێوەبەرایەتی گشتیی، بۆ ئەوەی لە کاتی گونجاودا لەناو ببردرێن.
