زارى کرمانجى-سۆران:
پارێزگای هەولێر بڵاوی کردووەتەوە، بەشێکی دیکەی گرینگی پڕۆژەى بەرزە پردى ئۆڤەرفلاى ڕێگەى (کۆڕێ – شەقڵاوە – هەولێر) و یەکخستن و فراوانکردنى ڕێگای دەربەندی کۆڕێ بۆ شەقڵاوە، کۆتایی هاتووە و کارکردنیش تیایدا بەردەوامە.
ئاماژەی بەوەشکردووە، تەواوبوونی پڕۆژەکە جگە لەوەی سوودى زۆرى دەبێت بۆ هاووڵاتییان، قەرەباڵغى و رووداوەکانى هاتووچۆش لەسەر ئەو رێگە سەرەکی و ستراتیژییە بە ڕێژەیەکی زۆر کەم دەکاتەوە، کە لە پێشووتردا ببووە گرفت لە بەردەم هاتووچۆی شوفێران.
پرۆژەکە بە گوژمەى 40 ملیار دینار لەسەر بودجەى پەرەپێدانى پارێزگاى هەولێر و بەشێوەى بەڵێندەرایەتى لەلایەن کۆمپانیای (کاڤین گرووپ) جێبەجێکراوە.
