شەهلا رە شید- سۆران
پزیشكێكی پسپۆڕ، لەم بابەتە تەندروستییەدا، باسی گەڕانەوەی ترشەلۆكی گەدە دەكات و هۆكارەكانیشی دەخاتەڕوو.
د. هیوا ئەبوبەكر، پزیشكی راوێژكاری وردی نەخۆشییەكانی هەرس و جگەر، رادەگەیەنێت” گەڕانەوەی ترشەلۆكی گەدە بریتیە لە گەڕانەوەی ترشەڵۆكی گەدە بۆ ناو سورێنچك، ئەو بۆڕیەی كە قۆڕگ و گەدە پێكەوە دەبەستێتەوە، بەهۆی دانەخانی تەواوەتی زمانەی سورێنچكەوە روودەدات، ئەم حاڵەتەش لە هەموو كەسێكدا روودەدات و دەبێتە هۆی دڵەكزێ، بەڵام ئەگەر لە هەفتەیەكدا دووجار زیاتر رووبدات بۆ ماوەی چەند هەفتەیەك ئەوا ئەگەری تووشبوون بە نەخۆشی گەدە زیاد دەكات.
ئەم پزیشكە، دەشڵێت” بە گشتی نیشانەكانی بریتین لەمانە:
- دڵەكزێ
- ئازاری سنگ
- گەڕانەوەی خواردن بۆ ناو دەم
- هەستكردن بەوەی خواردن لە قوڕگت گیراوە
- كۆكە
- قوتدانی خواردن بە ئەستەمی
- قورگ ئێشە
- رشانەوە
د. هیوا ئەبوبەكر، ئاشكراش دەكات” چەند هۆكارێك هەن كە تووشبوون بە نەخۆشی گەڕانەوەی ترشەلۆك زیاد دەكە، لەوانەش:
-قەڵەوی - جگەرە كێشان
- خواردن لە درەنگانی شەو
- خواردنی ژەمی زۆر قورس
- دووگیانی
- خواردنی قاوە، چوكلێت و خواردنەوە كەحولییەكان لەسەر گەدەی بەتاڵ
ریگاكانی خۆپارێزیش:
-پاراستنی كێشێكی تەندروست - خواردنی ژەمی سوك و زیاتر لە چەند جارێك وەك لە خواردنی ژەمی كەم و قورس.
-دووركەوتنەوە لە خواردنی پێش خەوتن، بە لایەنی كەم 3 كاتژمێر بەر لە نووستن. - لەبەر نەكردنی جلوبەرگی تەسك بەتایبەتی كە پەستان بخاتە سەر گەدە.
-دووركەوتنەوە لە جگەرە كێشان.
