بەڕێوەبەری كۆمپانیای خۆراك لە ئیدارەی سۆران : هیچ نوسراوێكی فەرمی نەهاتووە بۆ ئێمە كە پسولەی خۆراك بكرێتە ئەلیكترۆنی
پشتیوان كەریم – زاری كرمانجی:
حكومەتی عیراق بڕیاریداوە فۆڕمی خۆراك لە هەرێمی كوردستانیش بگۆڕێت بە ئەلیكترۆنی و چاوەڕوان دەكرێت لە سەرەتای ساڵی داهاتووەوە بچێتە بواری جێبەجێ كردنەوە، لەم بارەیەوە بەڕێوەبەری كۆمپانیای خۆراكی سۆران بە زاری كرمانجی راگەیاند:” تا ئێستا هیچ نوسراوێكی فەرمی نەهاتووە بۆ ئێمە لە بارەی پسولەی خۆراك كە بە ئەلیكترۆنی بكرێت”،
بەڵام حوسێن موحەممەد بەڕێوەبەری كۆمپانیای خۆراك لە ئیدارەی سۆران ئەوەش ناشارێتەوە كە لە دوو پارێزگای عێراق ئەم بڕیارە جێ بە جێكراوەو دەڵێ:” لەهەر دوو پارێزگای نەجەف و كەربەلا پسولەی خۆراك كراوە بە ئەلیكترۆنی، بەڵام تا ئێستا بۆ هەرێمی كوردستان هیچ هەوڵێك نییە لەم بارەیەوە”.
