وەیسی سەعید وەیسی
ماوەیەكە بابەتی بەشداری نەكردنی پارتی دیموكراتی كوردستان لە پرۆسەی هەڵبژاردن بوویتە گەرمترین بابەتی سیاسی ئێستای كوردستان عێراق و ناوچەكە ،هەر چەندە پارتی بایكۆتی هەڵبژاردنی نەكردووە ،چونكە ترسی لە هەڵبژاردن نییە و دامەزرێنەر و پێشڕەوی داهێنانی هەڵبژاردنە لە كوردستان،لە دوای ڕاپەڕینی ساڵی 1991 لە شاری كۆیە بۆ یەكەم جار سەرۆك مەسعوود بارزانی بوو ڕاگەیاند پێویستە لە شەرعییەتی شۆڕشگێڕی بەرەو شەرعییەتی دەستووری بڕۆین و هەڵبژاردن ئەنجام بدرێت.لە ماوەی دوو ساڵی ڕابردوو پارتی هەوڵی زۆری دا بۆ ئەنجامدانی هەڵبژاردن لە كاتی خۆیدا ،بەلام بەداخەوە ڕێگرێكی زۆر لە بەڕێوەچوونی كرا ،بەلام ئێستا كە بەڕێوەچوونی هەڵبژاردن لە بەرژەوەندی ئەو لایەنە دایە كە ڕێگری دەكرد ،خۆیان وا نیشان دەدەن پەرۆشی بەڕێوەچوونی پرۆسەكەن ،لە كاتێكدا دیزاین كراوە لە بەرژەوەندیان ،بۆیە پارتی لە چوارچێوەی بەیانی ڕەسمیدا ڕاگەیاند بەشداری لە هەڵبژاردنێك ناكات كە بە نایاسایی و نادەستووری، دیزاین كراو بێت، خەڵكی كوردستان و نێردە دبلۆماسیەكان و ڕای گشتی چاك دەزانن هەمیشە جەنابی سەرۆك مەسعوود بارزانی و پارتی لەگەڵ ئەنجامدانی هەڵبژاردنێكی ئازاد و پاك و بێگەرد دابووینە ، بە بێ هیچ دەستتێوەردانێك و داڕشتنێكی پێشوەختە ،بۆ ئەمەش گرنگە هەموو ئەو كەموكوڕییە تەكنیكی و پێشێلكارییە دەستووری و یاسایانەی تایبەت بە پرۆسەی هەڵبژاردن ئەنجامدراون چارەسەر بكرێن بۆ ئەوەی پڕۆسەكهـ بە شەفافانە و دوور لە دەستوەردانی دەرەكی بەڕێوە بچێت،
لەم چوارچێوەیەدا گرنگە هەلوەستەێكی خێرا لەسەر چەند خالێكدا بكەین …
یەكەم : گەڕانەوە بۆ دەنگ و بڕیاری خەڵك ،بە جۆرێك لە خزمەتی دیموكراسی و شەرعیەت دابێت ،دوور بێت لە ئەجێندای سیاسی ،نابێت پێش ئەنجامدانی هەڵبژاردن بە دەستی نامۆ و دەرەكی ئەنجامەكان بە بەرژەوەندی هیچ لایەنێك یەكلا بكرێتەوە،
دووەم:دەبێت هەڵبژاردن وا بەرێوەبچێت نوێنەرایەتی هەموو پێكهاتەكان بكات ،مەترسی لەسەر تێكدانی بنەماكانی پێكەوە ژیان دروست نەكات ،پرۆسەی سیاسی لە كوردستاندا بێ بەها نەكرێت ،گەرەنتی نوێنەرایەتی پێكهاتە ئایینی و نەتەوەیەكانی كوردستان بكات ،چونكە بە ئاشكرا بڕیارەكەی دادگای فیدراڵی عێراق سەبارەت بە هەڵوەشاندنەوەی كورسی پێكهاتەكان ،بڕیارێكی نادەستوورییە ئەگەر ئەوە پاساوەكەی نادەستووریبوونیەتی بۆ چی لە ئەنجوومەنی نوێنەرانی عێراق و ئەنجوومەنی پارێزگاكان كورسی كۆتا هەیە، بۆ چی ئەمە بۆ دەوڵەتی عێراقی فیدراڵ ڕەوایە بەلام بۆ هەرێمی كوردستان ڕەوا نییە.لە كاتێكدا بوونی پێكهاتەی ئایینی و نەتەوەیی خاڵی بە هێزی پێشكەوتنی هەرێمی كوردستانە …
سێیەم :هیچ كات پارتی لە هەڵبژاردن نەترساوە ،هەڵبژاردن لەدوای هەڵبژاردن لیستی یەكەم بووە،بەوپێەی پارتی حزبی خەڵكە ،وە خەڵكی كوردستان متمانەی پێ هەیە بۆیە هەر بەهێزی یەكەم دەمێنێتەوە، ڕابردووی پارتی لە داكۆكی كردن و پاراستنی ئاڵا و ناسنامە و خاك و شایستە دارایییەكانی خەڵكی كوردستان جێگای شانازی كوردستانیانە . دڵنیان تا پارتی هەبێت ئیرادەیان ناشكێت . بۆیە لای خەڵكی كوردستان دەبێت پارتی هەر بێ.
بۆیەش پارتی لە سەر هەڵوێستی خۆی پێداگرە و هیچ جۆرە دەستوەردانێكی نایاسایی لە هەڵبژاردنەكان قبووڵ ناكات،دەبێت هەموو كەموكوڕییە تەكنیكی و پێشێلكارییە دەستووری و یاسایییەكان لە شێوازی ئەنجامدانی هەڵبژاردن چارەسەر بكرێن ، تا هەڵبژاردنێكی پاك بەڕێوە بچێت
