بەختیار سەباح-زارى کرمانجى:
ڕژانى گازوائیل لەسەر ڕێگاى سەرەکى هاملتۆن، ببووە هۆى دروستبوونى ئاستەنگى هاتووچۆ، بەڵام لەلایەن تیمەکانى بەرگرى شارستانى ڕێگایەکە پاککرایەوە.
ڕائد ڕەوەند هاودیانى، وتەبێژى بەڕێوەبەرایەتى بەرگرى شارستانى سۆران، بە زارى کرمانجى ڕاگەیاند: ” شەوی ٧ ى نیسانى ٢٠٢٤، بەهۆى ڕژانی گازوائیل لەسەر ڕێگای سەرەکی هاملتۆن ئاستەنگى هاتووچۆ بۆ شوفێران دروستببوو، هەروەها مەترسی گڕگڕتنیشى لێدەکرا”.
گووتیشى: ”دواى ئاگادار کردنەوەمان، لەلایەن تیمی بنکەى بەرگرى شارستانى چۆمان، ڕێگایەکە خاوێن کرایەوە و هاتووچۆى ئۆتۆمبێل ئاسایی کرایەوە، وە هیچ ڕووداوێکى نەخوازراو لە شوێنەکە ڕووینەدا”.
