زارى کرمانجى-سۆران:
بە گوێرەی ئەنجامی بەرایی جیاکردنەوەی سەدا 99.8ـی دەنگەکان لە پارێزگاکانی باکووری کوردستان و تورکیا؛ جەهەپە یەکەمی تورکیایە، سەدا 37.74ـی دەنگەکان و 14 گەورە شارەوانیی بەدەست هێناوە.
بەرەبەیانی رۆژی یەکشەممە، 31-03-2024، هەڵبژاردنی شارەوانییەکان لە باکووری کوردستان و تورکیا دەستی پێکرد؛ سەدا 99.8ـی دەنگەکان جیاکراونەتەوە و بە گوێرەی ئەنجامە بەراییەکان، جەهەپە پلەی یەکەمی گرتووە، پێش ئاکپارتی کەوتووە و سەدا 37.74ـی دەنگەکانی بەدەست هێناوە.
لە کۆی 30 گەورەشارەوانیی تورکیا و باکووری کوردستان، جەهەپە 14 گەورەشارەوانیی بەدەست هێناوە و بە دوو گەورە شارەوانیی زیاتر پێش پارتەکەی ڕەجەب تەیب ئەردۆغان، سەرۆککۆماری تورکیا کەوتووە کە ئاک پارتییە. لە هەردوو گەورە شارەوانیی ئەنقەرە و ئیستانبوڵ، کاندیدانی جەهەپە لە هەڵبژاردنەکەدا سەرکەوتوون و سەرۆک شارەوانییەکانیان مسۆگەر کردووە.
هەرچی پەیوەستە بە پارتە کوردییەکانیش؛ دەم پارتی لە 10 شاری باکووری کوردستان پێشەنگە؛ شارەکان بریتین لە: ئیدیر، ئامەد، وان، سێرت، مێردین، دێرسم، ئێلیهـ، مووش، جۆلەمێرگ و ئاگری.
ژمارەی شارەوانییەکان بەپێی ئەنجامی جیاکردنەوەی 99.8%ـی دەنگەکان:
1. ئاکپارتی: 505 شارەوانی (12 گەورەشارەوانی)
2. جەهەپە: 420 شارەوانی (14 گەورەشارەوانی)
3. مەهەپە: 184 شارەوانی (0 گەورەشارەوانی)
4. دەم پارتی: 82 شارەوانی (3 گەورەشارەوانی)
5. پارتی ڕەفا: 60 شارەوانی (1 گەورەشارەوانی)
6. ئیی پارتی: 30 شارەوانیی (0 گەورەشارەوانی)
رێژەی دەنگی لایەنەکان بەپێی ئەنجامی جیاکردنەوەی 99.8%ـی دەنگەکان:
1. جەهەپە: 37.74%
2. ئاک پارتی: 35.49%
3. پارتی ڕەفا: 6.19%
4. دەم پارتی: 5.68%
5. مەهەپە: 4.98%
6. یی پارتی: 3.77%
دەنگی کاندیدەکان لە بەشێک لە گەورەشارەوانییەکان:
ئەنقەرە
مەنسور یەڤاش – کاندیدی جەهەپە: 60.35%
تورگوت ئاڵتنۆک – کاندیدی ئاکەپە: 31.69%
ئیستانبوڵ:
ئەکرەم ئیمامۆغڵو – کاندیدی جەهەپە: 51.09%
موراد کوروم – کاندیدی ئاکەپە: 39.60%
ئەنتاڵیا
موهیتتین بۆجەک – کاندیدی جەهەپە: 48.64%
هاکان توتونجو – کاندیدی ئاکەپە: 40.02%
دیاربەکر
بوجاک کوچوک – کاندیدی دەم پارتی: 64.07%
هالیس بیلدەن – کاندیدی ئاکەپە: 16.85%
دیلۆک:
فاتمە شاهین – کاندیدی ئاکەپە: 38.82%
موزەفەر ئەرتورک – کاندیدی جەهەپە: 28.11%
ئیزمیر
جەمیل توگای – کاندیدی جەهەپە: 48.80%
هەمزە داغ کاندیدی – ئاکەپە: 37.07%
ماردین
ئەحمەد تورک – کاندیدی دەم پارتی: 57.40%
عەبدوڵڵا ئەرین – کاندیدی ئاکەپە: 27.78%
وان
عەبدوڵڵا زەیدان – کاندیدی دەم پارتی: 55.48%
عەبدولئەحەد کاندیدی ئاکەپە: 27.15%
زانیاریی دیکە لەبارەی هەڵبژاردنەکە:
رێژەی بەشداریی: 78.53%
تێکڕای دەنگدەر: 61 ملیۆن و 430 هەزار و 934
دەنگی به‌كارهاتوو: 48 ملیۆن و 153 هەزار و 788
ده‌نگی دروست: 45 ملیۆن و 961 هەزار و 211
کۆی سندووق: 206 هەزار و 806
سندووقی کراوە: 206 هەزار و 424
