مستەفا دۆلەمەری- زاری كرمانجی :
لەسەر كەمبوونەوەی كارەبای نیشتمانی لە ئیدارەی سۆران، وەفا سەعید، بەرێوبەری راگەیاندنی كارەبای سۆران بە زاری كرمانجی راگەیاند :” پڕۆسەی چاكسازی بۆ ماوەی سێ رۆژ لە 7 تا 9 / 10 / 2022 لە كێڵگەی كۆرمۆر جێبەجێ دەكرێت و بەهۆیەوە هەناردەی گازی سروشتی بۆ وێستگەكانی كارەبا بە بڕی 230 ملیۆن پێ سێجا كەم دەبێتەوە و لە ئەنجامدا 1250 مێگاوات بەرهەمهێنانی كارەبا كەم دەبێتەوە”.
ئەوەش دەڵێ:” وەزارەتی كارەبا بە هەماهەنگی لەگەڵ وەزارەتی سامانە سروشتییەكان، لەگەڵ تیمەكانی كۆمپانیای دانەغاز بۆ باشتر بەڕێوەچوونی پرۆسەی چاكسازی و كەمكردنەوەی كاریگەرییەكانی لەسەر كەمبوونەوەی كاتەكانی پێدانی كارەبا لەسەر هێڵە”.
