زاری کرمانجی :
پارتی چاکسازی تورکمان ، لە ڕێگەی زاری کرمانجی ڕاگێندراوێکییان بڵاوکردەوە و تێداهاتووە، لە سۆنگەى هەستكردن بەبەرپرسیارێتى مێژوویی و یاسایی بەرامبەر بە بریارەکانی دادگای فێدراڵی عێراق بڕیارێکی سیاسی و نادەستورییە هەوڵێکە بۆ لاواز کردنی قەوارەی سیاسی هەرێمی کوردستان، کە سەرتایەکە بو رەتکردنەوەی یاساکانی هەرێمی کوردستان کە خۆی خستۆتە شۆینی دەسەڵاتی یاسادانان، پابەند نەبوونى دادگەى ئیتیحادى باڵا بە عەریزەى دەعواى داواكاری سەرۆکی فڕاکسیۆنی یەکێتی نیشتمانی کوردستان ، بەجۆرێك داواكارى دەعواى ژمارە (83)ى ئاماژەپێكراو، داواى هەڵوەشاندنەوەى یازدە كورسییەكەى (كورسییەكانى كۆتا)ى نەكردووە، بەڵكو داواى دوبارە دابەشكردنەوەى كورسییەكانى پەرلەمانى كوردستانى كردووە بەسەر پارێزگەكانى هەرێم بەگوێرەى پێوەرى ژمارەى دانیشتووان.
پارتی چاکسازی تورکمان، ئاماژەیان بەوەکردووە، دادگەى ئیتیحادى باڵا لە بەندى (یەكەم)ى حوكمەكەیدا بڕیاریداوە بە نادەستوریی بوونى دەستەواژەى (یازدە) لە ماددەى یەكەمى یاساى هەڵبژاردنى پەرلەمانى كوردستانى هەمواركراو، واتە کورسی پەرلەمانی لە (١٠٠) کورسی پەرلەمان پێک دێت ، ئەمەش داواكار لە عەریزەى دەعواكەى داواى نەكردبوو، بەم پێیەش ئەمە دەبێتە پێشێلكردنێكى ڕوونى ئەو بنەمایەى لە یاسا و لە دادگەرییدا چەسپاوە كە دەڵێت: دەعوا لە چوارچێوەى عەریزەكەیدا سنووردارە، و نابێت حوكم بكرێت بە زیاتر لەوەى داواكار داواى دەكا. ئەم جورە بڕیارە کاریگەری لە سەر دۆخی پێکهاتەکان دروستکردوە .
لە ڕاگەیێندراوەکەی پارتی چاکسازی تورکمان، ئەوەشییان خستۆتەڕوو، نەهێشتنی كورسی كۆتای پێكهاتەكان لە پەرلەمانی کوردستان، ناكۆكە لەگەڵ ئەوەی لە یاسایی هەڵبژاردنی ئەنجومەنی نوێنەرانی عێراقی فیدراڵی و ئەنجومەنی پارێزگاکاندا هاتووە بەتەرخان كردنی کورسی بۆ پێکهاتەکان، هەروەها ناكۆكە لەگەڵ ماددەكانی (٤٩/ بڕگەی یەکەم) و (125)ى دەستور، هەروەها بە شێوەیەکی ئاشکرا پێشێڵی مافی پێکهاتەکان کراوە، ئێمە پێمان وایە بەو بڕیارانە کەلتوری پێکەوەژیان و قووڵبوونەوەی گیانی یەکتر قەبووڵکردن و خۆشەویستی نێوان پێکهاتەکان لە هەرێمی کوردستان بەرەو لاوازی دەبات، لە رێگەی ئەم بەیاننامەوەش داواکارین لە سەرجەم حزب و لایەنە سیاسیەکان وەک هەمیشە داکۆکیکاری پاراستنی مافی پێکهاتەکان بن و رێگە نەدەن کە پێکهاتە نەتەوەییەکان لە هەرێمی کوردستان پەراوێز بخرێن و هەوڵ بۆ دوورکەوتنەوەیان لە بەشداری سیاسی و کۆی کایەیی حکوومڕانیدا”.
