محەممەد مەحموود- سۆران :
نرخی مریشکی زیندوو بەگشتی لە بازاڕەکانی هەرێمی کوردستان دابەزیووە و لە سۆران ئەمڕۆ کیلۆی بە ٣ هەزار و ٤٠٠ دینار دەفرۆشرێت.
عەبدوڵڵا ئەحمەد، دووکانی فرۆشتینی مریشکی زیندوی هەیە ، بە زاری کرمانجی راگەیاند” لە بازاڕی سۆران ئەمڕۆ نرخی یەک کیلۆ مریشکی زیندو بە ٣ هەزارو ٤٠٠ دینار دەفرۆشرێت، بەراورد بە پێش مانگی رەمەزان هەزار دینار دابەزیووە ، چونکە لە مانگی شوبات نرخی یەک کلیۆ مریشکی زیندو گەیشتبووە زیاتر لە ٤ هەزار دینار”.
ئەو مریشک فرۆشە ئاماژەی بەوەشکرد” مریشک هەیە کیلۆی بە ٣ هەزاردینارە، هەشیانە بە ٣هەزار و ٢٥٠ دینار، لەسەر ئەو جیاوازی نرخەش باسی لەوەکرد ” کلێگەی پەلەوەری رۆڵ دەبینێت لە نرخی مریشک، گەر لە شوێنی دووربێت نرخەکەی زیاتر بەرز دەبێتەوە “.
زیاتر گوتی ” بۆ بازاڕی ئیدارەی سۆران لە ئێستادا زیاتر ئەو مریشکانە دێنە بازاڕ کەوا لە کێڵگە پەلەوەرییەکانی سنووری مێرگەسۆر و چۆمان بەرهەم دێن، لە گەڵ مانگی رەمەزانیش زیاتر خواستی لەسەرە .
