زاری كرمانجی-سۆران
هشیار شكاك، نوسەرو چالاكوانی مەدەنی سۆران، بهزاری كرمانجی ڕایگەیاند ” پارتی دیموكراتی كوردستان دوای ئەوەی دوێنێ رایگەیاند بەشداری هەڵبژاردنەكانی پەرلەمانی كوردستان ناكات، كە لە ژێر چاودێری دامەزراوەیەكی نایاسایی و نادەستوری وەك دادگای فیدراڵی عێراق بێت، پارتی بەم بریارەی دڵی زۆر لە لایەنگرانی خۆی خۆش كرد، لە بەر ئەوەی ناكرێت دادگایەك كە هەموو برگە و ماددەكانی لە پێناو دژایەتی كردنی هەرێمی كوردستان بن، ئەوجا هەمان ئەو دادگایە سەرپەرشتی هەڵبژاردنی ئەو هەرێمە بكات كە هەموو ئامانج و دانیشتنێكی بۆ مەڵكەچكردن و لەباربردنی بووە”.
گووتیشی ” ئەم بڕیارە بوێر و ئازایانەی پارتی ئەگەر لێ وەردبینەوە تەنیا بۆ دادگای بە ناو فیدراڵی عێراق نییە، بەڵكۆ بۆ تەواوی دار و دەستەی عێراقە كە بەردەوام كۆسپ و تەگەرەی دەخستە بەردەم دانیشتن و رێكەوتنەكانی نێوان هەولێر و بەغدا، وەك هەنجەتێك بۆ ئەوەی پارتی زیاتر بێتە ژێر بار و خۆیان فەرز بكەنە سەر پارتی و هەرێمی كوردستان، عێراق ئەگەر ئەم بڕیارەی پارتی بە هەند وەرنەگرن ئەوا گۆمانی تێدا نییە بریاری گەورەتر و ماڵوێرانتر بۆ عێراق بە دوای خۆیدا دێنێت كە وا دەكات بەرەو هەڵدێران و رووخان بچێت، سەرەڕای ئەوەش دوای ئەم بڕیارەی پارتی دەبینین لایەنەكانی تری ناوخۆی هەرێمی كوردستان دەیانەوێ بە هۆی ئەم بریارەوە لە ئاوی شلە تێن مەلە بكەن و تەڕ نەبن.
ئەم لایەنانە هەرچی مایك و شاشە و تۆڕە كۆمەلایەتییەكانی سەر بە خۆیان هەیە كەوتوونەتە گیانی پارتی بەوەی دەڵێن پارتی دەترسێت كورسیەكانی هەڵبژاردنی رابردوو نەهێنێت بۆیە بەشداری ناكات.؟ پارتی ترسی هەیە لە كوردستان دەسەلاتی لێ بسەندرێتەوە ؟ پارتی باجی حكومەتە بێ مووچەكەی دەدات بۆیە بەشداری ناكات ؟ پارتی ئەم جارە دەبێتە حزبی دووەمی كوردستان ؟ ئەمانە ئەو سەرە بابەت و پۆست و بەپەلانەن كە لایەنەكانی دژە پارتی كردوویانە بە دروشم بۆ خۆیان تاوەكوو خەڵكی پێ بە لارێدا ببەن، بەلام نازانن ئەمەی ئێستا دەیكەن و دەڵێن كاری هەمیشەیی خۆیان بووە لە بانگەشەی هەڵبژاردنەكان خۆ هەر ئەمانە بوون زۆرجار لە بانگەشەی هەڵبژاردنەكان بە عەقلی خۆیان پۆستی سەرۆكی هەرێم و سەرۆك وەزیرانی هەرێمی كوردستانی بۆ خۆیان داناوە، كەچی تەنها خەون و خەیاڵێك بووە.
دەشڵێت ” پارتی لە ۱۹۹۲ هەتا ئێستا بە درێژایی ئەو هەڵبژاردنانەی كە كراون هەمیشە وای لە نەیارەكانی خۆی كردووە كە یەكەم بوون لە قاموسی خۆیاندا فرێ بدەن و گرەو لە سەر دووەم و سێیەم بكەن، چونكە پارتی لە كۆتایی هەموو هەڵبژاردنێك پێشەنگ بووەو بە پێشەنگیش دەمێنێتەوەو جێگەی متمانەی جەماوەر خەڵكەكەیەتی.
