زاری كرمانجی-چۆمان
موخلیس ناوەندەیی سەرۆكی شارەوانی چۆمان بە زاری كرمانجی ڕاگەیاند “ لە یادی لە دایکبوونی بارزانی نەمر، ڕۆژی پێنج شەممە 14 ی 3 کاتژمێر 11,30 پێش نیوەڕۆ هەڵمەتی نەمام چاندن ئەنجام دەده‌ین.
گووتیشی “ وەک سەرۆکایەتی شارەوانی چۆمان پڕۆژەی چاندنی 100 داری ناروەند و 100 داری سەیوان بە ئامانجی زیادکردنی ڕێژەی سەوزای جوانکردنی سەنتەری قەزای چۆمانە.
دەشڵێت “ ئەم پڕۆژەیە بە گوژمەی 4,600,000 چوار ملیۆن و شەش سەد هەزار دینار، لەسەر پێشینەی سەرۆکایەتی شارەوانی چۆمان لە شەقامی گشتی نەخۆشخانە و شەقامی گشتی گەڕەکی سەکران ڕاستەوخۆ لە لایەن سەرۆکایەتی شارەوانی چۆمان جێبەجێ دەکرێت.
