تانیا سۆفی ـ زاری كرمانجی:
رەحمە ریاز ئەحمەد، بەهاوبەشی دوو خانمە گۆرانیبێژی دیكەی عەرەبی گۆرانییەك بۆ جامی جیهانی 2022 ـی قەتەر دەڵێن.
بەرهەمەكە بەناوی’Light The Sky’یە و جگە لە رەحمە ریاز، نورا فەتحی ـی مەغریبی و بەلقیس، هونەرمەندی یەمەنی لەم بەرهەمەدا بەشدارن و بە زمانی ئینگلیزی گۆرانی دەڵێن.
لە ئێستادا ئەم بەرهەمە لە پێگەی فەرمی فیفا بڵاوكراوەتەوە، كە سەرپەرشتی پاڵەوانێتیەكە دەكات.
رەحمە ریاز، یەكێكە لە ناسراوترین گۆرانیبێژەكانی عێراق و هۆگری زۆری لە ناوخۆ و وڵاتانی دیكەی عەرەبی هەیە. رەحمە كچی ریاز ئەحمەدی هونەرمەندی كۆچكردووی عێراقییە.
بڕیارە ئەمساڵ جامی جیهانی لە 20-11-2022 تاوەكو 18-12-2022 لە قەتەر بەڕێوە دەچێت و یەكەمجارە ئەو بۆنە وەرزشییە گرنگە لە وڵاتێكی عەرەبی دێتە ئەنجامدان.
