زارى کرمانجى-سۆران:
بێگەرد تاڵەبانی، وەزیری کشتوکاڵی هەرێمی کوردستان: بەهۆی بەرزبوونەوەی نرخی تەماتە لە بازاڕەکاندا، لە ئەمڕۆوە قەدەخەی سەر هاوردەکردنی تەماتە هەڵدەگیرێت.
وەزارەتی کشتوکاڵ و سەرچاوە ئاوییەکانی هەرێم ئەمڕۆ سێشەممە بڕیارێکیان دەرکردووە، بە هەڵگرتنی قەدەغەی هاوردەکردنی تەماتە لە وڵاتانی دیکەوە بۆ هەرێمی کوردستان بەهۆی بەرزبوونەوەی نرخەکەی لە ناوخۆ، بڕیاری هەڵوەشاندنەوەی راگرتنی هاوردەکردنی تەماتە لە وڵاتانی دیکەوە لە ئەمڕۆوە جێبەجێ دەکرێت.
ئەمەش لە کاتێکدایە بەیانی ئەمڕۆ نرخی کیلۆیەک تەماتە لە عەلوەی سلێمانی گەیشتە نزیکەی 1500 دینار و بەو جۆرەش نرخەکەی لە بازاڕەکان و لە کاتی کڕینی بۆ هاووڵاتییان گەیشتە نزیکەی 2000 دینار.
